Henri Victor Vallois

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Victor Vallois
Información personal
Calendata de naixencia 11 d'abril de 1889
Puesto de naixencia Nancy (Meurthe y Mosela, Francia)
Calendata de muerte 26 d'agosto de 1981
Puesto de muerte París (Isla de Francia, Francia)
Ocupación Antropologo fisico y paleontologo

Henri Victor Vallois (1889-1981) estió un antropologo fisico y paleontologo francés que divulgó una clasificación racial en 1944 que trobó muita aceptación entre os antropologos franceses y en as decadas de 1970 y 1980 en Espanya con a obra divulgativa de l'antropologo catalán Panyella.

Estió un d'os redactors en cap d'a Revue d'Anthropologie de 1932 à 1970, y director d'o Musée de l'Homme en 1950.

Taxonomía racial editar

En 1944, Henri Vallois establió una taxonomía racial en a suya obra Les Races humaines, que dividiba os humans en cuatre grupos composatos por vintisiet « races » :[1]

Estas razas serían repartitas en seis arias antropolochicas:

  • Europa y la cuenca mediterrania (Africa d'o norte y Asia sudoccidental)
  • Africa sub-sahariana
  • India
  • Asia ultra-himalayica
  • Oceanía
  • America.

Beluns d'os aspectos polemicos son:

  • Considerar os melanoindios, os melanesios y os pigmeus asiaticos en o mesmo tranco racial melanodermo que os negros africanos, os pigmeus africanos y os khoisans.
  • L'asignación d'una raza particular p'as poblacions indonesias.

Bels autors que prenioron esta clasificación cambeyoron as denominacions de colors por radices griegas (Tranco racial melanodermo, tranco racial leucodermo, tranco racial xantodermo, tranco racial australoide). Encara que J.L.Heim milloró a caracterización racial de Vallois con datos bioquimicos, fisiolochicos y patolochicos, os datos cheneticos, que confirman a deseparación d'as "razas primitivas" u "australoides" respecto a las "razas negras", no dan a razón a Vallois en a definición d'as "razas negras". Os haplogrupos situan a os melanesios chunto con as poblacions australianas y amuestran que as poblacions melanoindias son mes relacionatas u con as poblacions d'Asia Occidental y Europa (como deciba Von Eickstedt) u con as poblacions australianas que no pas con as poblacions africanas, con o que o tranco racial melanodermo definito por Vallois habría de considerar només poblacions d'orichen africano.

Bibliografía editar

  • Les races humaines, PUF, collection Que sais-je ?, 1944, 1951, 1976
  • Les hommes fossiles, éléments de paléontologie humaine, 1946

Veyer tamién editar

« Le Professeur Henri-Victor Vallois, anthropologue et paléo-anthropologue », Bulletins et mémoires de la société d'anthropologie de Paris, 1982.

Referencias editar

  1. Henri Vallois, Les races humaines (1944), puf, 1976, pp.19-20