Hangzhou
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Hangzhou (en chinés: 杭州, pinyin: Hángzhōu, transcripción antiga: Hangchow) ye a capital d'a provincia de Zhejiang, en a Republica Popular d'a China. A suya aria metropolitana tien una población superior a os seis millons d'habitants (2003), encara que a población resident censada ye de 2.636.700 habitants. Ye situada a o canto d'o riu Qiantang y buega con o lago de l'Ueste (Xi Hu) y con a Gran Canal d'a China.
| Hangzhou | |
| Localidat de China | |
 | |
| Estau • Municipalidat |
 ChinaZhejiang |
| Superficie | 16,847 km² |
| Población • Total • Densidat |
11936010 hab. (2020) 1,214 hab/km² |
| Altaria • Meyana |
19 m. |
| Codigo postal | 310000 |
| Coordenadas | |
| Web oficial | |
Historia
editarA ciutat ganó importancia mercés a la construcción d'a Gran Canal d'a China durant a dinastía Sui. Entre iste periodo se contruyó a muralla d'a ciutat. Estió a capital d'a dinastía Song del sud. Dende l'anyo 1138 se tornó en un important centro de comercio, y a industria d'a ciudat s'especializó en a porcelana y os textils.
O explorador Marco Polo visitó Hangzhou a zaguers d'o sieglo XIII y en dició que yera «a ciudat mas sumptuosa y elegant d'o mundo». Dica a dinastía Ming estió un puerto important. Dende ixe periodo, y como consecuencia d'os continos ataques d'os piratas chaponeses, Hangzhou perdió importancia. En 1555 a ciudat fue saqueyada por os piratas, y en 1861 recibió l'ataque d'os rebels d'o Reino Celestial de Taiping, que prenioron a ciudat y la saqueyoron. As tropas imperials no recuperoron Hangzhou dica 1863, dimpués d'un conflicto que causó mas de meyo millón de baixas entre a suya población.
Clima
editarHangzhou tien un clima con hibiernos fredos y veranos muito calurosos. A temperatura meya en o mes de chuliol ye de 33 graus centigraus, y a meya d'o mes de chinero ye de 8 graus centigraus.
Economia
editarAs industrias tradicionals de Hangzhou son a maquinaria, a textil y a d'a seda, y en zaguers se i ye desembolicando con rapideza a industria electronica, mas que mas dimpués d'o cambio de sistema economico d'o país dende 1992. A ciudat s'ha convertida en uno d'os destins turisticos mas visitaus d'o país, o cual ha provocau que una parte d'a economía se dedique a o sector servicios. En a rechión de Hangzhou tamién se i produz te verde; o te d'a zona ye apreciau en tot o país por a suya alta cualidat.
