Hāngi
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Hāngi ye un metodo tradicional maorí de Nueva Zelanda de cocinar alimentos fendo servir piedras calients enterradas en un forno de pozo, que contina emplegando-se en ocasions especials.
Ta parar un hāngi cal cavar un pozo en a tierra, fer calentar rocas volcanicas en él con aduya d'un buen fuego, meter cestas de birolla sobre as piedras, y cubrir tot con tierra mientres cuantas horas antes d'ubrir u devantar o hāngi.
Bi ha muitas variants y detalles que pueden cambiar-se. Os expertos en hāngi han desenvolicau y amillorau metodos que a sobén, igual que as propias piedras, se pasan d'una cheneración enta atra. Atro nombre emplegau a vegadas ye umu, por eixemplo en o umu tī, emplegau en a Isla d'o Sud ta cocinar tī kāuka.
Evolución d'os metodos hāngi
editarAntis d'a colonización y introducción d'o metal, a comida se meteba en palos limpios, crostas, fuellas grans y atros vechetals ta minimizar o contacto dreito con as rocas calients y mirar d'evitar en o posible que se cremasen. Tamién s'emplegaban recipients tallaus y rocas planas con ista finalidat. Se feban servir fuellas, brancas y vechetación ta cubrir a comida y evitar que s'escachase con o peso d'a tierra dencima.
Actualment existen muitos metodos hāngi en uso. Os cestos d'alambre se emplegoron amplament en primerías d'o sieglo XIX, reemplazando a las fuellas y crostas con sacos y telas.
Ya en o sieglo XXI, se fan servir a vegadas maquinas hāngi d'acero inoxidable a gas ta replicar o estilo de cocción sin que s'ameniste de pretar fuego a fusta, cavar un pozo y emplegar rocas.
