Fraga
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre a fraga, una fruita. Ta atros usos de fraga se veiga Fraga (desambigación).
A fraga[1] (de o latín <FRAGA[2], con igual significau) ye a fruita caracteristica d'o chenero Fragaria, as fragueras, especialment cuan se quita de plantas domesticas, por contraposición con o martuel u martuello, que ye o nombre que se le da a la fraga obtenida de matas silvestres[3]. En a val d'Ansó, a la fraga se le da o nombre peculiar de magoría[4], un basquismo lexico d'uso local.
![](http://upload.wikimedia.org/wikipedia/commons/thumb/c/c6/Fruit_Fraise.jpg/250px-Fruit_Fraise.jpg)
![](http://upload.wikimedia.org/wikipedia/commons/thumb/e/ea/Garden_strawberry_%28Fragaria_%C3%97_ananassa%29.jpg/220px-Garden_strawberry_%28Fragaria_%C3%97_ananassa%29.jpg)
![](http://upload.wikimedia.org/wikipedia/commons/thumb/d/d7/Garden_strawberry_%28Fragaria_%C3%97_ananassa%29_close-up.jpg/220px-Garden_strawberry_%28Fragaria_%C3%97_ananassa%29_close-up.jpg)
As fragas no son verdaders fruitos individuals, sino que son un falso fruito de tipo poliaquenio conoixiu en Botanica como eterio. Os fruitos individuals de a fraguera son os grans que i ha apegaus en a superficie exterior de a fraga, mientres que a polpa ye un teixiu extrafloral, o receptaclo, que sustenta a flor de a planta y dimpués creix y madura, tornando-se enzucrau y de a caracteristica color roya que tiene a fraga madura.
Se veiga tamién
editarReferencias
editar- ↑ (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.38
- ↑ (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0
- ↑ (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. ISBN 978-84-8094-058-0
Vinclos externos
editar- Se veigan as imáchens de Commons sobre fragas y martuellos.