Abrir menú principal

A Formación y Orientación Laboral (asobén se diz con l'abreviatura FOL) ye una especialidat d'o profesorau de secundaria que imparte a suya docencia en os ciclos de FP (Formación Profesional) y tamién en os PCPI.

As asignaturas, que en FP se dicen "modulos profesionals", que imparten os profesors d'esta especialidat son: FOL (Formación y Orientación Laboral) con una carga lectiva de 65 horas a l'anyo, RET (Relacions en l'Entorno de Treballo) con carga lectiva de 65 horas y AGCE (Administración, Chestión y Comercialización d'una Michana Interpresa) con carga lectiva de 96 horas. Este tarabidau que correspondeba a os curriculums feitos per a LOGSE ha cambiau dende l'anyada de 2009, con l'aplicación d'a LOE, asinas dende alavez ixes modulos funeixen y a carga curricular d'esta especialidat ye: FOL (Formación y Orientación Laboral) con una carga lectiva de 96 horas a l'anyo, EIE (Intepresa y Iniciativa Empresarial) con una carga lectiva de 65 horas. Dispaeix RET.

A función d'estes modulos transversals va endrezada a aduyar a os estudiants a prender concencia d'o suyo papel drento d'as intepresas, en primerías FOL enfocau a os estudiants que puedan treballar ta otri, conoixendo o dreito laboral, as prestacions socials, a prevención de risgos laborals y os mecanismos d'inserción laboral, y per atro EIE enfocau a os estudiants que puedan u tiengan a coticia de treballar per cuenta propia, fendo de l'autoemplego a suya forma d'acceso a o mundo laboral.

Os nuevo curriculums y a nueva normativa de certificaus de profesionalidat, incorporan a equiparación de o curso basico de prevención de risgos laborals de 30 horas, replegau en o Reglamento de Servicios de Prevención, con o bloque de prevención de o módulo FOL.

Estos modulos s'imparten en totz os ciclos de grau meyo y superior de todas as familias profesionals. Con os nuevos curriculums, existe a posibilidat de convalidación.

En a formación profesional inicial, PCPI, o profesor de FOL imparte un modulo con una carga lectiva de 65 horas a l'anyo, ye dicir 2 horas per semana, que se diz Formación Emprendedora y Laboral, con nocions inicials de dreito laboral, inserción laboral y prevención de risgos.

Ta estar profesor d'esta especialidad se desiche una licenciatura, pero a normativa declara qualques titulacions de diplomatura equivalents a efectos de docencia: Treballo Social, Relacions Laborals y Empresarials.