Felipe VI d'Espanya
| Felipe VI d'Espanya | |
|---|---|
| Rei d'Espanya. | |
 | |
| 19 de chunio de 2014 | |
| Predecesor | Chuan-Carlos I |
| Nombre real | Felipe-Chuan-Pavlo-Alifonso de Totz os Santos de Borbón y Grecia |
| Naixencia | 30 de chinero de 1968.svg){kind=small} Madrit, Espanya
|
| Conchuche/s | Letizia Ortiz Rocasolano |
| Descendencia | |
| Casa Reyal | Casa de Borbón |
| Pai | Chuan-Carlos I |
| Mai | Sofía de Grecia |
 | |
Felipe VI de Borbón y Grecia (Madrit, Espanya, 30 de chinero de 1968), naixito Felipe-Chuan Pavlo-Alifonso de Totz os Santos de Borbón y Grecia (Felipe Juan Pablo Alfonso de Todos los Santos de Borbón y Grecia en castellán), ye o rei d'Espanya dende o 19 de chunio de 2014. Ye o tercer fillo d'os Reis Chuan Carlos I d'Espanya y Sofia de Grecia.
Ye licenciato en Dreito por a Universidat Autonoma de Madrit (1993) y máster en Relacions Internacionals por o Edmund Walsh School of Foreign Service d'a Universitat de Georgetown (1995). Ha recibito formación melitar en l'Academia Cheneral Melitar de Zaragoza,a Escuela Naval Melitar de Marín y l'Academia Cheneral de l'Aire de San Javier.
Estió miembro d'o equipe olimpico de vela espanyol en os Chuegos Olimpicos de Barcelona 1992, desfilando como abanderato d'a selección espanyola en a suya devantadera.
O 22 de mayo de 2004 se casó con a periodista asturiana Letizia Ortiz Rocasolano, con la que ha tenito dos fillas: o 31 d'octubre de 2005 a Infanta Alionor y o 29 d'abril de 2007 a Infanta Sofia.
En naixer teneba a dignitat d'Infante d'Espanya y dende 12 d'octubre de 1977 o títol de Prencipe d'Asturias, con o tractamiento d'Alteza Reyal. Dende o 21 d'abril de 1990 estió tamién Prencipe de Chirona, estando o primer Borbón en fer servir iste títol. Tamién tenió o títol de Prencipe de Viana y atros títols propios d'os primochenitos d'os reinos hispanicos. O 30 de chinero de 1986, en fer deciueito anyos, churó fidelidat a la Constitución y a o Rei, debant d'as Cortz Chenerals.
O 2 de chunio de 2014 o suyo pai, Chuan-Carlos I, anunció a suya abdicación. O 19 de chunio lo succedió Felipe de Borbón, tras a Lei Organica 3/2014, de 18 de chunio[1]. O suyo nombre reyal oficial (que sigue a numeración propia d'a Corona de Castiella) ye Felipe VI, anque seguntes a numeración de l'antiga Corona d'Aragón le correspondería o de Felipe V d'Aragón.
| Predecesor: Chuan-Carlos I d'Espanya |
Rei d'Espanya 2014 - l'actualidat |
Succesor: en o cargo |
