Estradiol

L'estradiol ye una hormona esteroide estrochenica y a prencipal hormona sexual femenina. Interviene en a regulación d'os ciclos reproductivos femeninos, como l'estro y os ciclos menstruals. L'estradiol ye responsable d'o desembolique d'as caracteristicas sexuals secundarias femeninas, como os peitos, l'ixamplamiento d'as ancas y un patrón femenín de distribución d'a graixa. Tamién ye important en o desembolique y mantenimiento d'os teixius reproductivos femeninos, como as glandulas mamarias, l'utero y la vachina, mientres a pubertat, a edat adulta y l'emprenyatura.^[1] Tamién tien efectos importants en muitos atros teixius, incluyius os uesos, a graixa, a piel, o figado y lo celebro.

Encara que los libels d'estradiol en os hombres son muito mas baixos que en as mullers, l'estradiol tamién desempenya un paper important en os hombres. Amás d'en os humans y atros mamifers, l'estradiol tamién se troba en a mayoría d'os vertebraus y crustazios, insectos, peixes y atras especies animals.^[2] ^[3]

L'estradiol se produz especialment en os foliculos d'os ovarios, pero tamién en atros teixius, incluyius os testiclos, as glandulas suprarrenals, a graixa, o figado, as mamas y lo celebro. L'estradiol se produz en o cuerpo a partir d'o colesterol per meyo d'una serie de reaccions y intermediarios.^[4]

Referencias

↑ (en) Ryan KJ (August 1982). "Biochemistry of aromatase: significance to female reproductive physiology". Cancer Research. 42 (8 Suppl): 3342s–3344s. PMID 7083198.
↑ (en) Mechoulam R, Brueggemeier RW, Denlinger DL (September 1984). "Estrogens in insects". Cellular and Molecular Life Sciences. 40 (9): 942–944. doi:10.1007/BF01946450. S2CID 31950471.
↑ (en) Ozon R (1972). "Estrogens in Fishes, Amphibians, Reptiles, and Birds". In Idler DR (ed.). Steroids In Nonmammalian Vertebrates. Oxford: Elsevier Science. pp. 390–414. ISBN 978-0323140980.
↑ (en) Saldanha, Colin J., Luke Remage-Healey, and Barney A. Schlinger. "Synaptocrine signaling: steroid synthesis and action at the synapse." Endocrine reviews 32.4 (2011): 532–549.

[1] (en) Ryan KJ (August 1982). "Biochemistry of aromatase: significance to female reproductive physiology". Cancer Research. 42 (8 Suppl): 3342s–3344s. PMID 7083198.

[2] (en) Mechoulam R, Brueggemeier RW, Denlinger DL (September 1984). "Estrogens in insects". Cellular and Molecular Life Sciences. 40 (9): 942–944. doi:10.1007/BF01946450. S2CID 31950471.

[3] (en) Ozon R (1972). "Estrogens in Fishes, Amphibians, Reptiles, and Birds". In Idler DR (ed.). Steroids In Nonmammalian Vertebrates. Oxford: Elsevier Science. pp. 390–414. ISBN 978-0323140980.

[4] (en) Saldanha, Colin J., Luke Remage-Healey, and Barney A. Schlinger. "Synaptocrine signaling: steroid synthesis and action at the synapse." Endocrine reviews 32.4 (2011): 532–549.

[1]

[2]

[3]

[4]