Especie relicta
En Biolochía, una especie relicta (cultismo que en aragonés se pronuncia /reˈlita/, "relita", u /reˈliwta/ "reliuta") ye un organismo que en o pasau heba teniu una distribución cheografica mas ampla pero que en l'actualidat ye constrenyiu a una extensión minima d'aquella.
O pinsapo (Abies pinsapo) ye una especie d'abete propia d'as sierras d'o sud d'a Peninsula iberica, relicta d'atros periodos climaticos mas fridos en os quals probablement viviba en un territorio muito mas amplo.
As especies pueden estar relictas por fenomenos naturals, como as glaciacions, por cambeos climaticos u procesos d'extinción por l'acción d'a especie humana. Muitas d'as especies en periglo d'extinción son a la vegada especies relictas, como p. ex. as zagueras poblacions d'onso en os Pireneus.