Os xiitas setenans u [[ismailista]]s no reconoixen que siet imans visibles, y pa ellos o seteno estió Ismail y no Musa. Os xiitas zaidís reconoixen a Zait como cinqueno imán, y no profesan o dogma d'o Islam amagato como as atras dos brancas.
O xiismo [[xiismo dotzenano|dotzenano]] ye o que se troba en o sursud d'[[Irak]], en bellas rechions d'o [[Liban]] y dende o [[sieglo XVI]] en [[Irán]] y [[Azerbaichán]] (que constituiban a [[Persia Safavida]] on o xiismo fue imposato por una dinastía reinant surchita d'a orden [[orden safavida|Safavida]]. O xiismo ismailita tenió un important papel entre os sieglos [[Sieglo VIII|VIII]] y [[Sieglo XIII|XIII]] entre os [[fatimís]], os [[qarmatas]] d'Arabia y a [[secta]] d'os [[nizarís]] u "asesins". Huei sobrevive en a [[India]] y [[Pakistán]], dirichitos por [[Aga Khan]], y entre os [[pamirís]]. Os xiitas [[xiismo cinquenán|cinquenans]] son encara mayoritarios en o norte d'o [[Yemen]], antigament dominato por os [[zaidís]].
