Fue fundato a fins d'o sieglo XV, quan o dominio [[Imperio Otomán|otomán]] estió a capital administrativa d'Herzegovina. Dende 1881 Mostar estió a seu d'o bispato de Mostar-Duvno. En 1939 Mostar fació part d'a [[Banovina Crovata]], y quan a [[Segunda Guerra Mundial]] estió una d'as ciudatz importants d'o [[Estato Independient de Croacia]].
En a decada de 1990 Mostar estió un d'os principals escenarios d'a [[Guerra d'independencia de Bosnia y Herzegovina]]. En a primera fase d'a guerra, en a que os [[bosnians musulmans]] y [[crovates]] luitaban contra os [[serbios]], a part este d'a ciudat cayó en poder d'os serbios y en a part ueste a problaciónpoblación crovate podió resistir, pa dimpués d'uns meses forachitar a los irregulars serbios, con o que a minoría serbia fuyó. Como lugar central d'Herzegovina teoricament baixo control d'o gobierno legal bosnián, Mostar s'emplenóse plenó de refuchiatos musulmans d'as zonas d'Herzegovina baixo control serbio. En a fase intermeya d'a guerra as tropas d'o gobierno bosnián, mayoritariament musulmanas, encomenzoron a atacar a los crovates en Bosnia Central y Herzegovina. En Mostar os crovates controlaban a part ueste y os musulmans a part este. Os musulmans de Mostar, encara que con menos medios, y con as linias de suministro bloqueyatas por os crovates, contaban con l'aduya local d'os serbios y a comunidat internacional y podioron resistir con eficacia, y dica avanzar posicions fendo retacular a los crovates. O puent viello fue destruito por os crovates. Os [[cascos azuls]] espanyols estioron implicatos en o conflicto, participando en labors humanitarias.
