Diferencia entre revisiones de «Cultismo»

== Cultismos ey semicultismos en aragonés ==

Los cultismos presos de parabras latinas con grupo -CT- (que en aragonés daba -it- por via patrimonial como en ''feito'' e ''dito''), s'escribiban -ct-, (''perfecta'') pero se pronunziaban -tt- (s'escribe ''Beneditto'' una vegata en la [[Cronica de San Chuan d'a Peña]]), u -t- (''perfeta'', ''[[edito]]'', ''pratico''). A vegatas las parabras patrimonials como ''dito'' se plegaron a escribir como ''dicto'' como [[hipercorreccions]].

Manimenos á fins de lo [[sieglo XV]] la luenga escrita en Aragón comverchió de tot con lo [[Idioma castellán|castellán]] escrito, (remató de [[Castellanización|castellanizar-se]]), s'aturó lo proceso autonomo de creyación de cultismos. Los grupos socials que seguiban charrando aragonés, dedicatos á las actividatz productivas, no precisaban bels termins cultos u abstractos de los textos meyebals, ey desapareixioron muitos cultismos. Los aragoneses que precisaban emplegar terminos tecnicos, scientificos, literarios, churidicos lo teneban més fácil prenendo los terminos en castellán que se trobaban en los libros, e dimpués en los meyos de comunicación.

Dende la decada de los [[Años 1970|años 70]], cuan encomenzó lo proceso de creyación de l'aragonés común escrito, ha amaneixito lo problema d'ausencia de terminos cultos en las [[parla (lingüistica)|parla]]s vivas, ey la necesidat d'adaptar muitos terminos pa emplegar l'aragonés como vehiclo de comunicación tamién de literatura, sciencia y arte. Los manuals pa aprender aragonés dixoron ubierta la questión e no se pronuncioron guaire n'este aspecto, y los neoaragonesofablans escribiban los cultismos como quereban. Lo caso més platero e greu ye "aragonesizar" los cultismos que en castellán tienen j cambeyando a '''j''' por '''x''' ([[fonema prepalatal fricativo xordo|xeada]]), lo cualo no ye d'alcuerdo con as leis foneticas de l'aragonés, on lo [[fonema prepalatal fricativo xordo]] no probién d'una GE, GI. Fa bellas anyatas lo ''[[Consello Asesor de l'Aragonés]]'' ha establito bellas normas, y en l'anyo 2010 l'[[Academia de l'Aragonés]] en presentó unas atras con mayor documentación y chustificación dende a conoixencia de las [[parla (lingüistica)|parla]]s vivas actuals y d'o estandard meyeval. A continación s'explican as normas pa adaptar cultismos de lo Consello Asesor dixando dixando la grafía orichinal.