[[Imachen:Mirador del pujol.jpg|thumb|[[L'Albufera de Balenzia]]]]
Una '''albufera''' ye una [[balsabasa]] u [[lacuna]] [[litoral]] d'[[augua salina]] u [[augua salobre|salobre]], deseparata de la [[mar]] por un cordón d'arena, por un regular de dunas, pero que ye en comunicazión con la mar por un u més puntos. La suya formazión gosa estar la [[colmatazión]] d'una antiga [[badía]] por [[sedimento]]s marins u flubials. On las mareyas no son guaire fuertes e l'arena sedimenta en una luenga larga a man de la costa se forman albuferas luengas y estreitas, separadas de la mar por una estreita barra d'arena u tierra paralela a la ripa. A causa de lo lento fluxo e intercambeyo d'auguas con la mar las suyas temperaturas son més calidas. Son espazios plens de bida con abundant flora acuatica e pexes por estar un [[ecotón]] entre mar e continent. Bi ha presenzia d'aus migratorias que i fan escala u i ponen os güebos.
L'[[Etimolochía|orichen]] de la parabra ye l'[[Idioma arabe|arabe]] البحيرة ''al-buhayra'', "la mar chicota".
