Diferencia entre revisiones de «Kharichismo»

O ''kharichismo'' tiene os suyos orichens en o conflito chenerato por a suzesión d'o califa Uthman. Esta [[seta]] refusó l'autoridat califal e propugnó a elezión democratica d'os dirichents d'a comunidat entre ixas presonas relichiosament més aptas, crebando con o prinzipio dinastico esfendito por os xiitas, que creyeban que a suzesión s'eba de mirar entre os deszendients d'o profeta Mahoma, y en concreto entre os deszenditent d'a suya filla [[Fatima]] e d'o suyo sobrín [[Alí ibn Abi-Tàlib]]). Tamién crebaban con a opzión d'os sunnitas, que rematoron mirando a suzesión califal en un parient lexán d'o profeta, l'[[omeya]] [[Muawiya I]], inizialment gobernador de [[Domás]].

 

En o Magreb contó con un amplo apoyo d'a poblazión autotona berber, e bellas rebueltas tenioron esito. Se fundoron prenzipatos d'ispirazión kharichita. Una comunidat sufrita d'o sur de Túnez prenió [[Cairuan]] o 755 con grans mortaleras. Os ibaditas de Chebel Nafusa, ofenditos por os eszesos d'a seta rebal prenioron a ziudat y forachitoron a poblazión sufrita. Enta o 757 problamoron un imanato, fundando un estato que cubriba partes de l'antiga Tripolitania e d'Ifriquiya, dica que este territorio fue conquiesto por os abasidas o 761.

 

Güei, d'os lumerosos grupos en que se frazionó o kharichismo només se mantienen os ibatitas, que refusan ser ditos kharichitas. Os ibaditas forman una parte significatiba d'a poblazión d'Omán (on s'establexioron por primera begata o 686), dende on s'estendilloron ta Zanzibar, y en o Magreb bi n'ha comunidaz en Mzab, Cherba y Chebel Nefusa as tres berberofonas.

 

[[Categoría:Islam]]