Pontache

Lo dreito de pontache (pontage en ortografía meyebal) estió un tributo que pagaban en la Edat Meya europeya totas las presonas que cruzasen un puen de la mesma traza que güei se paga un peache, en funzión de lo puesto on residiban, lo lumero e los biens que lebaban.

Mientres lo feudalismo estió un estrumento de finanziazión de los nobles en las tierras de lur propiedat e que los basallos eban de pagar. Ixos que residibanen lo siñorío, u yeran esentos u pagaban menos. Sin d'embargo qui beniba d'atras tierras eba de pagr cantidaz mayors. Con la progresiba desaparixión de lo rechimen feudal, lo pontache se reduzió a lo pago d'un tributo en los puens de las grans bias de comunicazión entre poblazions, e no s'aplicaba la ixos que i eba dentro las poblazions, fueras de bels casos.

Por estensión, dende los sieglos XV e XVI se clamaba asinas a tota exazión que se cobraba a los ziudadans que no yeran d'una billa u ziudat e que cruzaban lo río, encara que no estase por los puens, esdebenindo un tributo pa plegar a los mercatos publicos.