Diferencia entre revisiones de «Río Arba»

O río Arba ye ro primer d'os afluyéns de l'Ebro por o suyo canto cucho en o país d'Aragón. En reyalidá, anque en a suya regudidura se trata d'un unico río, o río Arba ye formau por a chunión d'atros dos, clamaus tamién Arba, u Arba de Biel y Arba de Luesia, que replegan en os dos casos auguas prozedéns d'as sarras preperinencas, concretamén d'a Sarra de Luesia, clamada de Santo Domingo. L'Arba de Biel naxe en a bersán sur d'a sarra de Santo Domingo. Fluye ent'o sur por una bal engalzato dica Luna an s'ubre á ro dentrar en a planeta de Zinco Billas. En Erla cambea á direuzión ueste, trancando por o sur o casco urbán d'a billa de Exeya d'os Caballers, dica o suyo trobo, poco més adebán, con l'Arba de Luesia. Á ra suya begada, l'Arba de Luesia naxe en a bersán sur d'a mesma Sarra de Santo Domingo. Dende allí escurre en direuzión surueste dica Biota, an s'ubre á ro dentrar en a planeta preniendo endrezera sureste enta Exeya an se troba con os de l'Arba de Biel y o Riguel.