Diferencia entre revisiones de «Berbers en Al-Andalus»

Os berbers de l'Al Andalus superaban numericament a os arabes. Seguntes calculos feitos por bels istoriadors en as primeras decadas d'imbasión musulmana os arabes yeran 50.000 y os berbers 150.000 sopre una poblazión de 5 millons d'Ispanorromans y bisigotos. A proporzión de berbers respeuto a os arabes crexió con as imbasions [[almorabet|almorabez]] y almoaz. En os primers tiempos d'ocupazión musulmana os cristians esferenziaban entre berbers, a qui clamaban [[moro|moros]], (de o latín Mauri y Mauritania), y os arabes, a qui clamaban sarrazenos u caldeus.

 

 

Sin d'embargo con o tiempo o termino moro esdevinió sinonimo de musulmán, aplicato pa muladins, arabes y berbers, y mesmo pa musulmans de más luent. Os arabes asimiloron con o tiempo linguisticament a os berbers porque a lengua relichiosa yera l'arabe y porque os arabes ya teneban una cultura urbana en arabe presa de modelos romans orientals y persas.

Os berbers de as marcas yeran guardians permanens de as mugas con os cristians y protecheban l'interior de o país ocupato por os musulmans. Guardaban os castiellos y comunicazions de o sistema defensibo de muga de l'Al-Andalús. Berbers de as marcas u tugur yeran en Os Pedroches, en Sierra Morena, en Cuenca, Guadalaxara, Toledo, a zona de o Guadiana con Merida, y zonas de más a norte dica a as cuencas de o Tajo y Mongego con Talavera, Coria, Medellín, Astorga y Coimbra. Estos zagueros comunicaban con atro nuclio en l'Alto Duero y o [[Río Xalón|Xalón]], que tamién yeran en contauto con nuclios dispersos en a ''Marca Superior'' u [[Bal de l'Ebro]] como os berbers de Monzalbarba. En l'este de Cuenca, Tergüel y Zaragoza entran en contauto con os berbers de o nuclio lebantín, (''Micnasa'' en [[Mequinenza]] y ''Hawara'' en [[Fabara]]). As autuals probinzias de Cuenca, Tergüel, Guadalaxara y norte de Toledo se clamoron Cora de ''Santavariya'' u ''Santaver'', (pronunziazión arabe de [[Zeltiberia]]), y a suya parte norte teneba más carauter de muga que atras coras de l'Al Andalus. A más gran parte de os berbers de as marcas yeran Hawara y Madyuna, pero tamién i eba Awsaya, (en Osella), Malzuza, Ulhasa, Sadina, Madyuna y Masmuda.

 

Os berbers lebantins yeran en redoladas de as autuals Alicant, Balenzia, Castellón, Cuenca, y Tergüel. Teneban presenzia en o Xiloca meyo y alto y als bals de o Guadalabiar, Cabriel, Millars, y Alfambra. Yeran espezialment d'orichen Hawara, (dixando toponimos tipo [[Fabara]]), y Madyuna, con presenzia de [[Confederazión Zenacha|Zenachas]] y [[Confederazión Zenata|Zenatas]] en o levant meridional, (dixando toponimos como [[Senija]], [[Adzaneta]] y [[Oliva (Balenzia)|Oliva]], estos zagueros por a tribu Auriga, zanatas de l'Aurés).