Diferencia entre revisiones de «Estrela»

Una '''estrela''' u '''estrella'''<ref name=BENBALL>{{es}} [[Ángel Ballarín Cornel]]: ''[[Diccionario del Benasqués]]''. Institución Fernando el Católico, Zaragoza, segunda edición 1978. p 180.</ref> ye una esfera de [[plasma (estato d'a materia)|plasma]] en un equilibrio pareixito a lo [[equilibrio hidrostatico]], que chenera [[enerchía]] por meyo d'un proceso de [[fusión nucleyar]]. As estrelas (excepto lo [[sol]]) apareixen como puntos brilants en o cielo nocturno, y fan esparpallatas por efecto de l'[[atmosfera]] [[Tierra|terrestre]].

A parola ''estrella''<ref name=BENBALL/> u ''estrela'' provién d'o latín ''STĒLLA'', sin relación con o diminutivo ''-ĚLLUM'' que dió ''[[sufixo -iello|-iello]]'', como podría pareixer. Ya en latín vulgar a -LL- cheminata dezaga de vocals largas como a Ē se simplificaba en forma de -L- en a zona septentrional<ref>{{es}} [[Heinrich Lausberg]]: "''Lingüistica romanica''. Tomo I fonetica". [[Editorial Gredos]].</ref> y d'astí que en [[idioma francés|francés]] se diga ''étoile'' y [[idioma occitán|occitán]] ''estela'', manimenos l'aragonés no simplifica a -LL- ni en [[villa]], ni en [[olla]], por o que cabrían atras explicacions como que l'aragonésa forma ''estrela'' de part de l'aragonés represente un resto de [[cheminación en l'aragonés|cheminación]] como a que se troba encara en [[aragonés belsetán|belsetán]] en poquetas parolas (''bel·la'', ''payel·la'', ''bel·lota'', ecetra).<ref>{{es}} [[Chabier Tomás Arias.]]: ''[[El aragonés del Biello Sobrarbe]]''. Instituto de Estudios Altoaragoneses, Uesca, 1999. ISBN 84-8127-095-4</ref>