A '''depresión de l'Ebro''' dende o punto de vista estratigrafico ye una [[cuenca d'antepaís]] que se fundió quan se plegoron os monts [[Pirineus]]. Dende o punto de vista cheofisico ye una "[[plataforma (cheolochía)|plataforma]]". Corresponde en part a lo que se conoix como ''[[Val de l'Ebro]]''
A cuenca d'antepaís se plenó de sedimentos terciarios[[Cenozoico|terciario]]s, procedents d'a erosión d'o [[Sistema Iberico]] y, sobre tot, d'os [[Pirineus]]. En o centro evaporiticos ([[cheso (roca)|cheso]]s) y en as marguins terrichens ([[Archila (sedimento)|archila]], [[arena]]s, [[ruello de glera|ruellos de glera]]). En o [[Miocén]] superior yera plena de tot, y sedimentoron as piedras [[calsinera]]s pontienses d'as [[Muela (cheomorfolochía)|muela]]s d'o sector central ([[Sierra d'Alcubierre]] por eixemplo) y empecipió l'apertura enta a mediterrania. S'orichinó o proto-Ebro, y empecipió a erosión d'os materials terciarios[[Cenozoico|terciario]]s, quedando as piedras [[calsinera]]s pontienses[[pontián|pontiana]]s y qualques [[almendrón (roca)|almendron]]s d'o [[Baixo Aragón]] como parte alta en as zonas menos erosionadas en os puestos entre dos ríos, (plataformas estructurals y [[pueyo testigo|pueyos testigo]]).
La zona marguinal gosa estar más alta que o centro. La zona marguinal norte d'a Depresión de l'Ebro ye o [[Semontano Pirenaico]], y la zona marguinal sud o Semontano iberico, que no ye tan bien definiu.
