:''Este articlo tracta sobre lo '''megollomiollo''' de teixito nervioso que bi ha adintro de la columna vertebral. Pa atros emplegos de la parola '''megollomiollo''' vaiga a la pachina '''[[megollomiollo (desambigación)]]'''.''
[[imachen:Moelle Epinière.png|250px|thumb|Esquema de lo megollomiollo espinal, alochau en los foratos de las vertebras y con radices nerviosas salindo-ne a dreita y ezquierda.]]
Lo '''megollomiollo espinal''' ye un [[organo (biolochía)|organo]] caracteristico de lo [[sistema nervioso central]] de los [[cordatos]], caracterizaus por presentar lo eixe nervioso paralelo a la [[notocorda]] orichinal y por d'encima d'ella, en posición dorsal, a diferencia de la mes gran part de los atros [[metazoo]]s, que lo presentan en posición ventral. De lo megollomiollo espinal salen orichinalment un par de [[niervos raquidios]] por [[miotomo]] u segmento muscular. En los [[vertebratos]] lo megollomiollo espinal ye protechito por la [[columna vertebral]], y cada vertebra presenta un ''[[foramen]]'' pa alochar-lo.
La [[substancia grisa]] se situa adintro de lo megollomiollo prenendo una forma d'"alas de [[paixarella]]" en sección transversal, tota enbolicada por la [[substancia blanca]] que ye en la periferia, por lo que los cuerpos neuronals son en lo centro y los axons en la periferia. Los cuerpos neuronals que bi ha en una posición central enta la part ventral son propios de [[neuronas motoras]], los que bi ha en posición dorsal son propios de [[neuronas d'asociación]] que reciben información de [[neuronas sensitivas]] con cuerpos celulars en [[ganglio (part d'o sistema nervioso)|ganglio]]s de las radices dorsals de los nervios espinals.
Lo megollomiollo espinal puet controlar [[actos reflexos]].
Una posible denominación antiga d'este organo en [[idioma aragonés|aragonés]] ye ''megollomiollo de la esquena'', como veyemos en la "''[[Grant Cronica d'Espanya]]''", compilación historica de [[Chuan Ferrández d'Heredia]]:
{{cita|& toco me dios co(n) su mano e(n)tre las espaldas. & su mano era asy fria q(ue)la frieldat me e(n)tro al '''meollo d(e)la esq(u)ina'''. & dixo me yo he puesto la mano sob(r)e tu & tu pueblo<ref>[[Grant Cronica d'Espanya]]</ref>}}
