Diferencia entre revisiones de «Chasón»

Dio a Chasón una poción machica ta que no le fesen danyo os toros monstrosos. Habendo aconseguiu chunyir a os toros, lanzó os dients sobre os sulcos feitos en a tierra. D'ells brotoron cientos d'hombres armaus que se lanzoron contra l'heroe, pero iste, seguindo as instruccions de Medea, lanzó una piedra entre ells y os exercitos s'enfrentoron entre ells. Dimpués, Medea provocó un terrible suenio a la serpient, Chasón s'apoderó d'o preciau pelello y fuyó con os suyos hombres, con Medea y con o chirmán d'ista, [[Apsirto]], en a suya embarcación.

 

Os hombres de Eetes acazoron a la nau y Medea mató a o suyo chirmán, que yera un nino, lo despedazó y lo lanzó a o mar. O rei Eetes replegó as restas d'o suyo fillo y perdió de vista a os Argonautas<ref>Apolodoro, ''Biblioteca mitológica'' i,9,23-24.</ref>. En unatra versión, Apsirto no yera nino, sino un hombre adulto que estió ninviau por Eetes a o mando d'un grupo de [[Colquida|colcos]] armaus en persecución d'os Argonautas. Los aconsiguió en a Mar Hadriana, en a corte de [[Alcinoo]] en [[Istria]]. Allí Alcinoo s'ofrió como chuez y dició que secreto a la suya esposa Arete que decidiría entregar a Medea de tornada con os colcos si yera virchen pero en caso contrario se la daría a Chasón. Arete informó a Chasón d'ixo y a nueit anterior a o chudicio se se chitó con Medea, por la qual cosa a l'atro día, estió entregada a o suyo esposo. Apsirto no se conformó y continó acazando a os Argonautas dica una isla en a qual Chasón yera realizando sacrificios y estió an Chasón asasinó a Apsirto<ref>Higino, ''Fábulas'' 23.</ref>. A veces se considera que o asesinato estió fruto d'una conspiración en a qual intervinió tamién Medea<ref>Apolonio de Rodas, ''Argonáuticas'' iv,410-470.</ref>.