Diferencia entre revisiones de «Imperio Otomán»

Bayazet tamién habió se sozmeter a os prencipatos d'Anatolia coaligatos en contra d'ell. Dende [[1390]] Bayazet ocupa os emiratos u ''bayliks'' d'a costa EcheyaEchea de Sarujan, Aydin, Mentesa y una parte d'Isfendiyar, en a costa d'a Mar Negra. Tamién s'apoderó de Sivas <ref name="ReferenceA"/>. Os [[turquemans (Orient Meyo)|turquemans]], distribuitos tamién fuera de l'aria d'acción d'os otomans, dende Anatolia Oriental dica [[Irán]], por lur traza nomada de vida, quasi no lis afectaban as campanyas destructivas de [[Tamerlán]]. D'esta traza os turquemans d'Anatolia demandoron aduya a Tamerlán, que envadió o sudeste d'Anatolia, encara que dimpués se'n fue ta a [[India]]. O prestichio de Bayazet dimpués d'a vitoria en [[Nicopolis]] trayó ta o Imperio Otomán nuevas poblacions turquemanas. D'esta traza Bayazet decidió sozmeter tota Anatolia: [[Caramán]] en [[1397]] y os prencipatos d'o norte en [[1398]]. Tamerlán tornó y os prencipes turquemans desposeitos s'unioron a o suyo exercito. Una batalla se produzió en [[Ankara]] o [[27 de chulio]] en [[1402]], os turquemans que en primeras luitaban en o bando otomán se pasoron a o bando de Tamerlán y d'os opositors turquemans. Os otomans fuoron derrotatos, Tamerlán restauró os prencipatos turquemans y [[Caramán]] fue examplata, adchudicando-li un papel preponderant.