Diferencia entre revisiones de «Sierra de Gúdar»

En a Sierra de Gúdar u a suya redolata naixen os ríos [[río Alfambra|Alfambra]], [[río Guadalop|Guadalop]] y [[río de Linars|Linars]], de traza que os ríos [[río Guadalaviar|Guadalaviar]], [[río Guadalop|Guadalop]] y [[río Millars|Millars]] desauguan a superficie d'a sierra.

 

 

Dende o punto de vista biocheografico bi ha presencia d'[[Especie (biolochía)|especies]] tamién presents en os monts [[Perineus]] pero que no son guaire comuns en o Sistema Iberico, y menos en o sector zentro-oriental. En o cabalto d'a sierra bi ha una pineta de ''[[Pinus uncinata]]'' y pratos con especies comuns con os Perineus. Tamién bi ha presencia de [[taixera]]s, (y bi ha microtoponimos que i fan referencia). A l'egual que en atras sierras ya a man d'a [[mar Mediterrania]] como os [[Puertos de Bezeit]] bi ha [[selvas mixtas submediterranias]], destacando a presencia d'''[[Acer granatense]]'', l'[[abillanera]], a [[Tilia|tellera]], a [[moixera]], ''[[Ulmus montana]]''. Bi ha reptils que tamién se troban en os Perineus como ''[[Podarcis muralis]]'', que podió arribar en Gúdar en as glaciacions quaternarias. A l'egual que en os Puertos de Bezeit bi ha crabas salvachinas (''[[Capra pyrenaica hispanica]]''), abuntants en [[Mosqueruela]].