Escala de Kardashev

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'escala de Kardashev ye ye un metodo pa medir o livel d'abance tecnolochico d'una civilización en función d'a cantidat d'enerchía que pueden utilizar. A medida estió proposada por l'astronomo sovietico Nikolai Kardashev en 1964. L'escala tien tres categorías designadas:

• Una civilización de Tipo I, tamién clamada civilización planetaria, puede emplegar y almagazenar toda a enerchía disponible en a suya planeta.
• Una civilización de Tipo II, tamién clamada civilización estelar, puede usar y controlar a enerchía a la escala d'o suyo sistema planetario.
• Una civilización de Tipo III, tamién clamada civilización galactica, puede controlar a enerchía a la escala de toda a suya galaxia anfitriona.

Os tres tipos de civilizacions seguntes l'escala de Kardashev.

En l'inte actual, a humanidat encara no ha aconseguiu o estau de civilización Tipo 1. O fisico y futurista Michio Kaku suchirió que, si os humans aumentan o suyo consumo d'enerchía a una taxa promeyo d'o 3 por ciento cada anyo, pueden aconseguir l'estau de Tipo I en 100-200 anyos, l'estau de Tipo II en uns pocos milars d'anyos y o estau de Tipo III en 100.000 a un millón d'anyos.

Carl Sagan suchirió definir valors intermeyas (no consideraus en la escala orichinal de Kardashev) interpolando y extrapolando as valors dadas anteriorment pa os tipos I, II y III , o que produciría a formula

$K={\frac {\log _{10}P-6}{10}}$

an a valor K ye a clasificación de Kardashev d'una civilización y P ye a potencia que utiliza, en watts.

Usando ista extrapolación a humanidat en 1973 yera una civilización d'aproximadament tipo 0.7, usando 10 terawatts (TW).

En 2018, o consumo mundial total d'enerchía estió de 18.40 TW, ye decir 0.73 en l'escala Kardashev interpolada por Sagan.