Ernst Haeckel
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ernst Haeckel | |
|---|---|
| |
| Información personal | |
| Calendata de naixencia | 16 de febrero de 1834 |
| Puesto de naixencia | .svg){kind=small} Potsdam (Brandenburgo)
|
| Calendata de muerte | 9 d'agosto de 1919 |
| Puesto de muerte | .svg){kind=small} Jena (Republica de Weimar)
|
| Ocupación | Biologo, medico, naturalista, ilustrador y filosofo |
Ernst Heinrich Philipp August Haeckel (Brandenburgo (Alemania), 16 de febrero de 1834 - † 9 d'agosto de 1919), tamién escrito von Haeckel, estió un naturalista, biologo, filosofo, medico, artista y profesor universitario alemán. Ernst Haeckel fició lo primer árbol chenealochico d'as especies vivas, creyó muitos d'es neolochismos d'a biolochía moderna como filochenia u ecolochía, y aportó un nuevo reino ta la clasificación taxonomica d'es sers vivos: es protistas.
Haeckel, a mes, promovió la obra de Charles Darwin en Alemania y desembolicó la suya polemica teoría d'a recapitulación postulando que es organismos, mientres o suyo creiximiento embrionario y post-embrionario (ontochenia de l'organismo), pasan per una secuencia d'estaus a on pareixen mes que mes enta las especies d'as cuals en son descendients. Él resumió iste concepto en a frase "la ontochenia recapitula la filochenia".
As obras artisticas de Haeckel incluyen mes de 100 ilustracions en color sobre animals y creaturas marinas, belunas d'as cuals fuoron feitas en as Islas Canarias. Como a filosofo, Haeckel escribió Die Welträthsel (1895-1899) (en aragonés, l'Enigma de l'Universo) y la obra Freedom in Science and Teaching (1877) (A libertat en a ciencia y l'amostranza) que feba claras referencias enta la necesidat d'introducir a Teoría d'a Evolución en es sistemas educativos.
Vinclos externos
editar
Se veigan as imáchens de Commons sobre Ernst Haeckel.
Datos: Q48246- Multimedia: Ernst Haeckel / Q48246
Especies: Ernst Haeckel
