Edwin Moses

Edwin Moses
Edwind Moses en una imachen de 2008.
Información personal
Naixencia	31 d'agosto de 1955 Dayton (Ohio, Estaus Unius)
Esporte	Atletismo
Chuegos Olimpicos
Oro	Mont-reyal 1976	400 m cletas
Oro	Los Angeles 1984	400 m cletas
Bronce	Seúl 1988	400 m cletas
Campionato d'o mundo d'atletismo
Oro	Helsinki 1983	400 m cletas
Oro	Roma 1987	400 m cletas

Edwin Corley Moses, conoixiu esportivament como Edwin Moses y naixiu de Dayton (Ohio) o 31 d'agosto de 1955 ye un atleta estausunidense actualment retirau d'a practica esportiva d'alto livel que yera especializau en a preba d'os 400 metros cletas. Estió dos vegadas campión olimpico, en Mont-reyal 1976 y Los Angeles 1984, (Estaus Unius no participó en os Chuegos Olimpicos de Moscú 1980) y medalla de bronce en os de Seúl 1988, amás fue esleyiu como millor esportista de l'anyo 1980 seguntes a revista Track & Field News y en 1984 seguntes a revista esportiva Sports Illustrated.

Edwind Moses pasando una cleta en una competición.

Cal destacar que mientres a suya vida esportiva estió imbatiu mientres 10 anyadas ganando consecutivament un total de 122 cursas d'as que 107 estioron finals.

Siempre ha estau embrecau en la luita contra lo dopache y en l'actualidat preside la USADA, l'achencia antidopache d'Estaus Unius,^[1] y tamién dende l'anyo 2000 dende l'establimento d'os Premios Laureus World Sports president d'o churau y d'a Laureus World Sports Academy. ^[2]

Competicions internacionals

Edición	Competición	Lugar	Puesto	Preba	Marca
1976	Chuegos olimpicos	Montreal	1º	400 metros cletas	47.56
1983	Campionato d'o Mundo d'Atletismo	Helsinki	1º	400 metros cletas	47.50
1983	Campionato d'o Mundo d'Atletismo	Helsinki	6º	Releus 4x400	3:05.29
1984	Chuegos olimpicos	Los Angeles	1º	400 metros cletas	47.75
1987	Campionato d'o Mundo d'Atletismo	Roma	1º		47.46
1988	Chuegos olimpicos	Seúl	3º		47.64

Lucha contra o dopache

Como administrador esportivo estando miembro d'a USADA, que preside actualment, Moses ha participau en o desembolique d'una serie de politicas antidrogas y antidopache disenyando un d'os sistemas de prebas de detección de drogas aleatorias en competición mas estrictos d'o esporte. En aviento de 1988, disenyó y creó o primer programa de prebas aleatorias de detección de sustancias dopantes difuera de competición pa esportes aficionaus. Ha estau un líder en a creyación d'estructuras y protocolos que han reduciu significativament l'uso de productos farmaceuticos ilegals pa amillorar lo rendimiento en l'atletismo y atros esportes indirectament.

Referencias

Vinclos externos


Chuegos Olimpicos
Predecesor: John Akii-Bua	Campión olimpico de 400 metros cletas Mont-reyal 1976-	Succesor: Volker Beck
Predecesor: Volker Beck	Campión olimpico de 400 metros cletas Los Angeles 1984	Succesor: Andre Phillips

Campionato d'o Mundo
Predecesor: Establimento d'o campionato	Campión d'o mundo de 400 metros cletas Helsinki 1983- Roma 1987-	Succesor: Samuel Matete

Récords
Predecesor: John Akii-Bua	Récord d'o mundo masculín de 400 m cletas 25 de chunio de 1976 - 6 d'agosto de 1992	Succesor: Kevin Young
Predecesor: Ralph Mann	Récord de Norteamerica, Centroamerica y Caribe de 400 m cletas y Récord d'Estaus Unius de 400 m cletas 21 de chunio de 1976 - 6 d'agosto de 1992	Succesor: Kevin Young

Datos: Q52620
Multimedia: Edwin Moses / Q52620

[1] (es) Edwin Moses: El camino para llegar al oro olímpico no es el que la gente piensa, en Marcs.

[2] (en) Perfil en o sitio web de Laureus Sports.

[1]

[2]