Doubtful Sound
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Doubtful Sound ye un fiordo situau en o Parque Nacional de Fiordland en a parti sudueste d'a Isla d'o Sud en Nueva Zelanda. Se troba en a mesma rechión que Milford Sound, un fiordo mas chicot, encara que mas conoixiu. No ye posible plegar dica Doubtful Sound por carretera como lo ye con Milford Sound.[1]
.jpg)
O capitán James Cook le dió o nombre de "Doubtful Harbour" (literalment "Puerto d'a duda") mientres a suya vesita en 1770, ya que dandaliaba y a la fin no dentró en o fiordo ya que no yera seguro si yera navegable.[2] Dimpués fue denominau Doubtful Sound por balleners y cazataires de focas.
Una expedición cientifica espanyola a o mando d'Alejandro Malaspina vesitó Doubtful Sound en febrero de 1793, mirando d'experimentar a medición d'a gravedat con un pendulo, una parti d'os esfuerzos ta estableixer un nuevo sistema metrico.[3] Os oficials d'a expedición, que incluyiba a Felipe Bauzá, facioron os primers mapas cartograficos d'as partis inferiors d'o fiordo, nombrando as caracteristicas d'o mesmo.[4] Actualment istos forman un grupo unico d'os pocos toponimos en castellano en a cheografía de Nueva Zelanda: Febrero Point, Bauza Island, Pendulo Reach y Malaspina Reach.[5]
Referencias editar
- ↑ (en) Conservation on land. doc.govt.nz
- ↑ (en) Cook's Voyages (de Te Ara Encyclopedia of New Zealand. Consultada o 2 de mayo de 2013.)
- ↑ (en) “Puerto del Pendulo, Doubtful Sound: The Malaspina Expedition’s Visit to New Zealand in Quest of the True Figure of the Earth”, The Globe, no.65, 2010, pp.1-18.
- ↑ (en) Doubtful Sound (de Te Ara Encyclopedia of New Zealand. Consultau o 2 de mayo de 2013)
- ↑ (en) Science and Spycraft: The Malaspina Expedition in New Zealand and New South Wales, 1793 - Robert J. King, via Mains’l Haul, A Journal of Pacific Maritime History, San Diego, Vol 41 No. 4 & 42, No. 1, Fall/Winter 2006, pachinas 76-87