Descusión:Ivo Andrić

Sobre l'orichen etnico de Ivo Andric, creigo que s'ha de posar que ye un bosnián catolico u un crovate, que no s'ha de posar que ye serbio. Os catolicos en Bosnia son u bien antigos bosnians d'enantes d'a invasión otomana u bien crovates etnicos de l'antigo reino de Croacia en unión con o reino d'Hongría. En Bosnia-Herzegovina una d'as tendencias nacionalistas ha feito que os catolicos se consideren crovates, y dica enantes d'o titismo, dica bells bosnians musulmans dependendo d'o suyo orichen u familia. En o censo etnico de Bosnia de 1991 Travnik figura como una ciudat de crovates y bosnians musulmans sobre tot, y en a enciclopedia Espasa dicen que ye una d'as zonas de Bosnia tipicament catolicas. Os solos serbios catolicos son uns serbios d'a Voivodina que tienen una denominación especial y tienen un orichen no guaire claro, que yo haiga sentito, (y tot o que mos plega de l'antiga Yugoslavia puet tener deformacions), os catolicos bosnians no se consideran serbios, y os solos que se consideran serbios on Bosnia son os ortodoxos, y una minoría d'os musulmans.--EBRO 18:23 9 ago 2010 (UTC)

He cambeyato a descripción, adibindo-ie a referencia de que Ivo Andrić se declaraba serbio. --Manuel Trujillo Berges 18:33 9 ago 2010 (UTC)

Bueno, agora se veye claro, doncas. Debió estar un adepto d'una traza particular d'illirismo, una traza pro-serbia.--EBRO 18:41 9 ago 2010 (UTC)

Creigo que no, estoi que yera más yugoslavismo de traza titista. --Manuel Trujillo Berges 18:45 9 ago 2010 (UTC)