Descusión:Alba (día)

He encomenzau este articlo pa que se pueda discutir sobre os conceptos d'alba, aurora, o castellán amanecer, a valideza de amaneixer en aragonés documentable, y o uso posible de totz estos conceptos en aragonés actual u o suyo uso documentable dica fa poco. Por l'inte provisionalment poso alba como a situación enantes de salir o sol seguindo o modelo que veigo en as wikis francesa y catalana. En occitán dicen simplament quan encomienza o día y remata a nueit, ye posible que en as luengas minorizadas s'haiga perdito a distinción entre alba y aurora u que a chent actual menos ligada a los treballos d'o campo no en faigamos guaire distinción.--EBRO 12:40 4 feb 2012 (UTC)

Recopilando textos

Iré metendo textos pa veyer si en aragonés fan distinción entre alba y aurora, u si se diz a tot alba, u si a primera cosa ye quan raya l'alba y a segunda alba a secas. O primer texto que trobo sobre o tema ye en o L.d.T:

Ap(re)s vien(e) la tierra de saluca en do ha vn mo(n)t q(ue) es dito mo(n)t chasso ap(re)s de antiochia alto q(ue) el om(n)e puede vey(er) el sol dent(r)o la q(u)arta p(ar)tida dela nuyet e en(e)sta man(er)a puede om(n)e vey(er) dia e nu(e)yt en vna ora e en vn pu(n)to e puede om(n)e vey(er) el leuantamje(n)to ant(e) q(ue) el dia p(ar)esca o el sol salljent ant(e) del dia amanescient

Un texto intresant con un indicio que igual con alba se diz a tot, que o primer concepto de "enantes de salir o sol" puet estar quan raya l'alba y "l'inte quan sale o sol" puet estar simplament alba, ya que dicen a expresión demanyana ante del alba, ye dicir que ya ye o día dimpués pero enantes de salir o sol:

et otro dia demanyana ante del alba sin volu(n)tat del Rey et sin coma(n)damiento et sabiduria suya los almogauares co(n) algunos otros peones fueron et prisieron Rocafa

--EBRO 15:22 4 feb 2012 (UTC)

a punto día

En baixorribagorzán tenemos la locución adverbial temporal a punto día que corresponde a lo castellán al amanecer.--EBRO (discusión) 11:09 30 chul 2012 (UTC)

Visos d'alba

En ansotano tenemos visos d'alba, que Maria Pilar Benítez traduce por "madrugada", (dedugo que será enantes de salir lo sol), y rayar l'alba, que ye aragonés cheneral.