Descusión:Abantbrazo

No trobo esta parola ni en lo endice de vocables, ni la suya teorica forma benasquesa en lo diccionario de Ballarín, ni en l'apartau de prefixación en lo libro de Saura Rami. Suposo que esta parola no existe en aragonés dialectal y que s'ha adaptau dende lo catalán u lo francés (a on tenemos lo prefixo abant- con significau amplo espacial y temporal). Como ya expliqué en l'articlo prefixo ante- en aragonés este prefixo ye lo suyo equivalent pa significaus espacials y d'astí que tiengamos lo toponimo aragonés arcaico Andecastieto en Torla, y atras composicions nominals espacials como antiparras, antifuellas, antemuro, antepeito, ecetra. Si hemos d'adaptar avantbraç-antebrazo n'este caso l'aragonés historico, tradicional, medieval y dialectal coincide con lo castellán y sería antebrazo. Claro ye que sobre este modelo que describo puet haber-ie excepcions, pero lo coderent ye fer servir ante-.--EBRO (discusión) 09:12 5 chi 2014 (UTC)

Sí, ixo ye o que yo pensaba tamién. No trobo a forma abantbrazo (u semellant) en aragonés actual, pero tampoco no trobo antebrazo/antibrazo/antebraço, etc ni en actual ni en medieval. Pero as cosas son confusas: en catalán, a on a forma normativa ye "avantbraç" l'Alcover-Moll nomás da o significau d'una parte de l'armadura antiga, y da "antebraç" como antebrazo (encara que diz que viene d'o castellano dreitament). En o DIEC (normativo), sale avantbraç con os dos signficaus y no sale pas antebraç. Pero resulta que en o DRAE tamién amaneix "avambrazo" como parte de l'armadura (http://lema.rae.es/drae/?val=avambrazo)... Seguindo ixa pista, he trobau documentau "avanbraço" en aragonés medieval: http://ifc.dpz.es/recursos/publicaciones/11/33/09pottier.pdf Como que son datos d'inventarios, regular que se tracta d'a pieza de l'armadura, pero ye interesant saber que existe ixa parola. Caldrá ixulufrar una mica mas pa veyer si se troba "antebrazo/antibrazo" en textos antigos, u en bella fuent moderna fiable.--Juan Pablo (discusión) 14:43 8 chi 2014 (UTC)