Día Internacional d'os Treballadors

O Día Internacional d'os Treballadors, o Primero de Mayo, ye la festa reivindicativa del moviment obrer mundial.

Primero de Mayo en París, anyo 2000.
"O Quatreno Estato", de Giuseppe Pellizza da Volpedo.

Ista chornada de luita por os dreitos d'os treballadors fue establita en o congreso obrero socialista celebrato en París en 1889. Se decidió que, en homenache a os Mártirs de Chicago, l'1 de mayo sería o día de protesta y reclamacions obreras. Por ixas envueltas, a gran reivindicación que s'establió estió a chornada de 8 horas. A vada yera o instrumento que se decidió d'emplegar cada 1 de mayo ta forzar a la patronal y os Estatos liberals a acceptar a chornada de 8 horas.

A campanya tenió prou exito y, poquet a poquet, prenió importancia y se consolidó como chornada de luita de tot o movimiento obrero mundial, dillá d'as tendencias y faccions ideyolochicas. Con a conquiesta de milloras laborals y socials, o día fue perdendo carga reivindicativa ta prener un caracter mas festivo y de remeranza d'os feitos de Chicago de 1886. Actualment, en quasi totz os países occidentals (Estatos Unitos y o Reino Unito en son excepcions notables) ye un día festivo y ya quasi sin carga reivindicativa; asinas s'ha perdito en gran mida o caracter commemorativo ta convertir-se en una simpla fiesta mas d'o calandario.

O Primero de Mayo actual en AragónEditar

Actualment en Aragón, o Primero de Mayo se celebra con manifestacions por as carreras d'as prencipals ciudatz d'o país, organizatas por os prencipals sendicatos y organizcions obreras.

Vinclos externosEditar