Cuello volcanico

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un cuello volcanico ye un releu volcanico residual en forma de punta de grans dimensions. Corresponde a una anterior chaminera volcanica on ha solidificato a lava a la fin d'una erupción y que dimpués a erosión d'o cono volcanico ha feito que se pueda veyer dende fuera. Esta estructura de roca volcanica resiste millor a la erosión que os materials d'echección que la rodeyan, y una vegata que o cono ye erosionato de tot queda como agulla, que ye a sola reliquia d'o cono desapareixito.

Devils tower, en o Wyoming (Estaus Unius), ye o cuello d'un volcán viello de 40 millons d'anyadas.

Agulla de Chapelle St Michel d'Aiguilhe, en o departamento francés d'Alta Loira, ye una construcción sobre un cuello volcanico que con a suya mida de 85 m d'altaria ha dato nombre a la localidat que bi ha a lo suyo piet.

Eixemplos de cuello volcanico

• O Pico Anayet, a man de Canfrán y Sallent de Galligo.
• O dent de la Rancune, en a val de Chaudefour, en o macizo d'os monts Dore en Auvernia,
• L'Hohentwiel, no guaire luent d'o Laco de Gostanza.
• O cuello de Sceautres, en o Coiron en Ardecha.
• O roc St Jean, en l'aldeya La Roche à Alba-la-Romaine en Ardecha.
• A Église Saint-Michel d'Aiguilhey a villa medieval d'o Puy en Velay son construitos sobre dos cuellos deseparatos cualques centenars de metros l'un de l'atro

Bibliografía

• Pascal Richet, Guide des volcans de France. Ed. du BRGM et Belin, col·l. Guides savants, 2003, 427 p
• J.-M. Bardintzeff: Volcanologie. Ed. Dunod, 1988, 284 p.

• Datos: Q653139
• Multimedia: Volcanic plugs / Q653139