Abrir menú principal
Creative Commons
CC-logo.svg
Datos chenerals
Eslogan '
Establimiento 2001
Localización Flag of the United States.svg Mountain View, California, Estatos Unitos
Enfiladors
Industria Dreito
Productos {{{produtos}}}
Beneficios 12.563.767 dólars estatounitenses
Emplegatos
Pachina web
Pachina web creativecommons.org
Twitter {{{twitter}}}
Facebook {{{facebook}}}

Creative Commons (tamién por as suyas sieglas CC, en aragonés “Biens Comuns Creyativos”) ye una organización sin animo de lucro, que tien a suya oficina central en a ciudat de Mountain View, en o estau de California, en os Estaus Unius d'America y que permite usar y compartir tanto a creyatividat como o conoiximiento a traviés d'una serie d'instrumentos churidicos de caracter gratuito.

Ditos instrumentos churidicos consisten en un conchunto de modelos de "contractos de licenciamiento" u licencias de dreitos d'autor (licencias "CC") que ofreixen a l'autor d'una obra una forma simpla y estandarizada d'atorgar permiso a o publico en cheneral, ye decir, de compartir y usar o suyo treballo creativo baixo os termins y condicions d'a suya esleción. En iste sentiu, as licencias Creative Commons permiten a l'autor cambiar facilment os termins y condicions d'os dreitos d'autor d'a suya obra de “totz os dreitos reservaus” a “qualques dreitos reservaus”.

As licencias Creative Commons no reemplazan a os dreitos d'autor, sino que s'emparan en istos ta permitir modificar os termins y condicions d'a licencia d'a suya obra d'a forma que millor satisfaiga a las suyas necesidatz. A organización fue fundada en 2001 por Lawrence Lessig, exprofesor de Dreito d'a Universidat de Standford y especialista en ciberdreito, Hal Abelson y Eric Eldre con o refirme de Center for the Public Domain.

O primer articlo baixo a licencia Creative Commons en una publicación d'intrés cheneral estió escrito por Hal Plotkin en febrero de 2002. O primer conchunto de licencias de copyright fue quitau en aviento de 2002. En 2008, bi heba estimaus bells 130 millons de treballos baixo licencias Creative Commons. En octubre de 2011, nomás Flickr alberga mas de 200 millons de fotos con licencias Creative Commons. Creative Commons ye endrezada por una chunta directiva y unatra d'asesoramiento tecnico. Istas licencias han estau adoptadas por muitos como una forma que tienen os autors de prener o control de cómo quieren compartir a suya propiedat intelectual.

Se veiga tamiénEditar

Vinclos externosEditar