Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chent d'armas ye la persona u conchunto de personas que van armadas, como companya d'un sinyor noble u cleigo, u ta la defensión u conquiesta d'un lugar. Por la dita labor, recibe cheneralment un sueldo.

Miniatura d'o Vidal Mayor, sieglo XIII.

Puede tractar-se d'un solo individuoː

E present mí, notario, e los testimonios diusscriptos, el cual maestre Jucé dixo que, como stablecido e ordenado fues por la ciudat de Huesca que ningún gent d’armas no entrás en la ciudat sobredita, e él veyés huellyo a huellyo que por fuerça aquellya gent entrás en la judería...[1]

U d'un grupo:

Fue feito capitán general de toda la gent d'armas de Macedonia e de Trachi.[2]

As chents armadas pueden portar armas varias, como s'explica en iste documento de meyaus d'o sieglo XV:

Que los ciudadanos que querrán obtener officios de ciudat ayan a fazer muestra de cavallo e armas. Item, por cuanto la dita ciudat de Daroca es sitiada frontera de Castilla et porque es bien et necessario fallar-se gentes armadas et a cavallo para defensión d'ella et de su territorio. Por tanto, statuymos e ordenamos que ningún ciudadano de la dita ciudat no pueda haver part ni sea ábil a obtener ninguno de los officios de la dita ciudat [...] si no es que el día e fiesta de Sant Martín d'el mes de noviembre en cada un anyo faga demuestra de cavallo et armas. El cual cavallo queremos sía ábil et sufficient a proseguir apellido [...]. Et el dito mostrant, armado con curaças, armadura de cabeça, adarga de cuero, lança, spada, punyal o daga, e sí traya platas e arnés blanco, adarga. Los cuales cavallo e armas haya de jurar el dito demostrant seyer propias suyas, sin frau nenguno.[3]

En otros textos, con iste mesmo significau, se fabla d'hombres d'armas si en son varios:

E dize-se que en aquellas batallas se consumaron de toda la multitut, entre hombres d'armas y gent comuna, CCC. M.[4]

U hombre armau si ye un solo individuoː

Sueldos a hombre armado: VII sueldos [5]

Referencias editar

  1. Eugenio Benedicto García, 'Los médicos judíos de Huesca, según los protocolos notariales del siglo XV', p. 79, «Carta n.º 4», de 29 de chunio de 1429, AHPH, prot. 178, f.º 177v-178r, en Sefarad, vol. 68, chinero-chunio 2008, p. 55-87.
  2. Juan Zonaras, Libro de los emperadores. (Versión aragonesa del 'Compendio de historia universal' patrocinado por Juan Fernández de Heredia), edición de Adelino Álvarez Rodríguez, Zaragoza, 2006; p. 25.[1]
  3. M.ª Luz Rodrigo Esteban, 'Torres, castillos y murallas en la frontera con Castilla. Notas sobre el sistema defensivo darocense (siglos XIV y XV)', El Ruejo, n.º 4, Daroca, Centro de Estudios Darocenses, 1998; p. 100 [2] 
  4. Plutarco, Vidas semblantes. Versión aragonesa de las Vidas paralelas, patrocinada por Juan Fernández de Heredia, vol. II, ed. de Avelino Álvarez Rodríguez ; p. 710. [3]
  5. J. A. Sesma Muñoz, E. Sarasa Sánchez, Cortes del reino de Aragón, 1357-1451. Extractos y fragmentos de procesos desaparecidos, Valencia, 1976, pp. 49 [4]