Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A caza a la guait (pronunciau /ˑgwaj/, como "guái": /alaˈgwaj/~/aɾaˈgwaj/) ye una tecnica de caza que se practica con o cazataire amagau, aguardando que a presa se le meta a tiro, u aprosimando-se cutio-cutio a la presa sin que ella se'n alpercate. L'acción d'aguardar observando y sin estar visto se diz aguaitar.

Os gatos y atros felidos son conoixius por cazar a la guait.

O cazataire puede practicar-la solo, si sabe bien os costumbres de l'animal que fa de presa u tiene cobertura en a cual amagar-se (p. ex. vechetación) entre que se l'aprosima, pero muit a sobén no ye si que un complemento pa os resacadors, en a caza en grupo por resaca u resaque. En iste caso, o cazataires que ocupan as posicions d'aguaita recibe o nombre d'aguaitadors, y solen estar os mas esperimentaus en o grupo, mientres que os resacadors fan brincar as presas (as resacan) y as conducen ta on se troban os puestos d'aguaita.

En sentiu figurau, a esprisión ser "a la guait" u "meter-se a la guait" quiere dicir meter atención a una cuestión u aguardar por si pasa una cosa concreta (sinonimo: estar a l'atisba). Aguaitar ye l'acción de focalizar l'atención en una cosa: O verbo aguaitar, en forma d'interchección, en frases como «Aguaita! Aquí ye aon meteba os uevos a gallina» busca captar l'atencion de l'interlocutor y quiere dicir «Mira aquí!» u «Mira isto!».

Se veiga tamién editar