Canal (carnicería)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo trata sobre la canal que ye una ferramienta que s'emplega en o despieze d'os animals ta consumo. Ta altros emplegos d'o termino canal se veiga Canal (desambigación).

Una canal u canala (a menuto tamién per confusión se'n diz canaula) ye una lata de fusta tallata con una fendedura en o costato inferior y dos forquetons en os estremos, que feban forma de cono (u arpón), que s'emplegaba tradicionalment ta penchar verticalment con ella las bestias que s'acababan de matar en boca t'abaixo per o tendón d'Aquiles (patas zagueras), ta poder-las obrir en canal y limpiar-las d'as tripas y visceras y tamién ta que las magras s'ixequen ta fuera (drenen) d'a sangre en ixa posición. Este ye un causo de nombre de ferramienta que dimana dreitamente d'a función ta la que s'emplega.

Una canal tradizional, feita de buxo.

A fendedura central serviba ta penchar en equilibrio la pieza, con un ganche d'un fusta (viga) d'o techo u cosa asinas, u cualques vegatas ligata con cuerda. Os forquetons d'os estremos se feban atravesar a membrana fineta que queda debaixo d'o tendón d'Aquiles cuan este se fa devantar, y per astí se i penchaba l'animal. A mida d'as canals varía aproximadament entre os 35 y 80 centimetros de longaria, y dos u tres didos de diametro en a par mes gruesa.

Se veiga tamién

• Canaula / Canabla.
• Gotiel.
• Lata.
• Camatrillo.

• Datos: Q13048594