Bruce Lee
| Bruce Lee | |
|---|---|
 Estatua de Bruce Lee en Honk Kong. | |
| Información personal | |
| Nombre real | Lee Jun-fan |
| Calendata naiximiento: | 27 de noviembre de 1940 |
| Puesto naiximiento: |  San Francisco (California, Estaus Unius)
|
| Calendata muerte: | 20 de chulio de 1973 |
| Puesto muerte: | Hong Kong |
| Pai | Lee Hoi-chuen |
| Mai | Grace Ho |
| Conchuche: | Linda Emery |
| Fillos: | Brandon Lee (1965–1993) Shannon Lee |
Bruce Lee, naixiu de San Francisco (California) o 27 de noviembre de 1940 y muerto en Hong Kong o 20 de chulio de 1973, estió un filosofo, director cinematografico, guionista y actor d'artes marcials estatounidense d'orichen chinés. Fue considerau como un d'os artistas marcials mes influyents d'o sieglo XX, una reconoixida fegura y un renovador d'as artes marcials. As suyas cintas ubrioron o paso ta d'atros actors especializaus en artes marcials como Jackie Chan, Jet Li, Chow Yun Fat u Chuck Norris.
O suyo pai Lee Hoi-chuen tamién estió actor amás de cantant d'opera y a suya mai Grace Ho, actriz de teatro, dos de sus chirmans estioron relevants en diferents disciplinas, Robert Lee estió un cantant popular en Honk Kong en os anyos 1960 y 1970 y Peter Lee estió un destacau esgrimidor y meteorologo.
Dende muito chicot, amaneixió en cintas d'a fuerte industria cinematografica de Hong Kong interpretando a ninos y posteriorment a adolescents, en muitas d'ixas cintas surte en os creditos.
Actor principal y director
editar| Anyo | Títol d'a cinta | Papel | Director | Elenco | Atros |
|---|---|---|---|---|---|
| 1969 | Marlowe[2] | Winslow Wong | Paul Bogart | James Garner, Gayle Hunnicutt y Carroll O'Connor | |
| 1971 | The Big Boss[3] | Cheng Chao-an | Wei Lo y Chia Hsiang Wu | Maria Yi y James Tien | |
| 1972 | Fist of Fury[4] | Chen Zhen | Wei Lo | Nora Miao y James Tien | |
| 1972 | Meng long guo jiang[5] | Tang Lung | Bruce Lee | Chuck Norris y Nora Miao | |
| 1972 | Enter the Dragon[6] | Lee | Robert Clouse | John Saxon y Jim Kelly | |
| 1978 | Game of Death[7] | Billy Lo | Robert Clouse y Bruce Lee | Gig Young y Dean Jagger |
Bibliografía
editarObra escrita
editar- Bruce Lee, Chinese Gung Fu: The Philosophical Art of Self-Defense, 1963. ISBN 0-89750-112-8.
- J. Yim Lee y Bruce Lee (1972), Wing chun kung fu, chinese art of self-defense, editor tecnico: Bruce Lee. Los Ángeles: Ohara Publications, Incorporated.
- Tao of Jeet Kune Do, (Postomo), 1973.
- Bruce Lee's Fighting Method, (Postomo), 1978
Explotación d'a suya figura
editarA Bruceploitation (acronimo de Bruce y a palabra en ingles exploitation) estió un fenomeno cultural d'os anyos 1970 con una marcada sobrexplotación post mortem de l'icono d'as artes marcials d'o sieglo XX, Bruce Lee. Dimpués d'a suya muerte acayeixida en l'anyo 1973 o mercau cinematografico chino inundó as salas de cine con cientos de films y con actors que intentaban emular a popular y desapareixida estrela cinematografica y que tamién influyió en a conoixencia d'as artes marcials, y l'intrés por as academias d'ensenyanza d'artes marcials de tot o mundo y a literatura sobre artes marcials. Este fenómeno se extendilló prencipalment mientres un decenio, pero tamién con altos y baixos continó en os anyos 1980, 1990 y mas tarde tamién quan de forma ciclica tornan a enchegar-se cintas biograficas u series basadas en os suyos escritos, pero siempre con Bruce como prencipal sincusa argumental.
Los productors de cine chino captaron a oportunidat de que mantenendo viva la figura de Lee y baixo lo pretexto de rendirle homenache podeban obtener un gran rendimiento economico y se lanzoron a buscar actors que se pareixesen fisicament y que amás podesen imitar los suyos cenyos y estilo d'artes marcials.
Amaneixioron decenas d'actors chinos que resultoron pro pareixius a la fisonomía de l'actor y atros que ni sisquiera se pareixeban pero que imitaban a Bruce Lee en o mas minimo cenyo, estes actors se dioron cuenta que si aconseguiban captar a os productors emulando a l'actor orichinal podeban aconseguir a fama y l'exito que d'unatro modo nunca habrían aconseguiu per él mesmos, beluns mesmo se cambioron o suyo nombre artistico a nombres pareixius como Bruce Li, Bruce Le y Dragon Lee, Bruce K. Leiga, Bruce Ly u Bronson Lee. [8]
Muitos d'estas cintas esclatoron no nomás la figura como artista marcial de Bruce Lee sino que plegoron a tratar a vida intima de l'actor amostrando detalles escabrosos, fantasiosos u falsedades con fins comercials con que s'intentaba atrayer a lo publico.
En Espanya s'aconsiguió enguerar cualques cintas en sesions doples de cines de barrio, pero o suyo punto alchido estió con l'aparición d'os videoclubs en os anyos 1980. A Bruceploitation como tal se etiquetó posteriorment, pero d'esta forma se descubriba a Bruce Lee y a os suyos imitadors, per o que surtió tota una cheneración de aficionaus a o cine de Kung Fu y artes marcials que logaban as ixas cintas que plegaban a Espanya.
Per lo que se puede decir que estioron fundamentals en a conoixencia y en a practica d'as artes marcials en Espanya y continoron a labor en este sentiu que heba encetau Bruce Lee. Tot y con a escasa calidat de cualques d'as cintas d'este subchenero, o component d'entretenimiento yera tan alto, que no deixaban d'enguerar-se. Tamién estioron clau en que i hese cierto interés per dentrar en o mundo d'o cine d'acción y artes marcials.
Referencias
editar- ↑ (en) Bruce Lee en IMDb.
- ↑ (en) Marlowe en IMDb.
- ↑ (en) The Big Boss en IMDb.
- ↑ (en) Fist of Fury en IMDb.
- ↑ (en) Meng long guo jiang en IMDb.
- ↑ (en) Enter the Dragon en IMDb.
- ↑ (en) Game of Death en IMDb.
- ↑ (es)Bruce Li, Le, Ly, Lai, Liang, Leung, Lung, Thai... los clones de Bruce Lee.
