Bello recuerdo
Bello recuerdo (títol orichinal en castellano, en aragonés Polida arrecordanza, enguerada en Aragón con o suyo títol orichinal) ye una cinta de cine de drama musical de l'anyo 1961 coproducida por o cine espanyol y lo cine mexicano, dirichida por Antonio del Amo seguntes un guión orichinal de Jaime García-Herranz, con una banda sonora orichinal de Manuel Parada con cancions de Joselito y Libertad Lamarque, con una dirección de forografía d'Alfredo Fraile, una producción cinematografica de Luis Berraquero ta las productoras Suevia Films, Cesáreo González Producciones Cinematográficas, Cinematográfica Filmex y Producciones Gonzalo, y con un elenco d'actors formau, en os suyos papels principals, por Joselito, Libertad Lamarque, Sara García, Roberto Camardiel, Salvador Soler Marí, Antonio Gandía, Félix Fernández, Manuel de Juan, Aníbal Vela, Pilar Gómez Ferrer, Pedrín Fernández, Juan Cortés, Tito García, Maleni Castro y Santiago Pardo.
A cinta se concibe como un vehiclo de lucimiento d'os dos cantaires protagonistas, Joselito y Soledad Lamarque, y en ella se conta cómo Lucy ye una mayestra d'escuela de ninos con un alumno predilecto, Joselito, dica que bel día lo troba a faltar en empecipiar o curso academico. Cuan marcha en a suya casa ta saber qué li ha escaiciu, descubre que su pai ha muerto y que agora ye al cudiau d'un tío que no para masiada cuenta d'o suyo sobrino y que no posa garra obstaclo a que Lucy se convierta en a suya mai adoptiva de feito, sin saber que Lucy estió una famosa cantaire en Mexico y que heba albandonau a suya carrera dimpués d'o secuestro y asasinato d'o suyo fillo. Lucy y su mai retornan en a vida con a presencia de Joselito dica lo punto que Lucy decide tornar a cantar, encara que tamién alienta la carrera musical de Joselito. O problema ye que en conoixer l'exito d'o popiello, torna a presentar-se lo suyo tío, qui lo reclama a la vegada que mete la baqueta contra Lucy, tractando-la de loca, de ladrona y de que deseya aproveitar-se d'a voz d'o nino.
Bello recuerdo s'ambienta en a suya epoca actual (1961) en Madrit y Segovia, con remeranzas de Lucy d'a suya vida anterior en Mexico. As escenas d'a cinta de filmoron en a ciudat de Madrit en Espanya.[2]
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
- ↑ 1,0 1,1 (en) Enguero de Bello recuerdo en Internet Movie Database.
- ↑ (es) Localizacions de Bello recuerdo en Madrid Film Office.
- ↑ (en) Bello recuerdo en Internet Movie Database.
Vinclos externos editar
- (en) Bello recuerdo en Internet Movie Database.
- (es) Bello recuerdo en FilmAffinity.
- (fr) Bello recuerdo en Allociné.
- (en) Bello recuerdo en Letterboxd.