Battlestar Galactica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Battlestar Galactica ye una franquicia de ciencia ficción d'Estaus Unius creyada por Glen A. Larson.

A franquicia prencipió con a serie de televisión orichinal en 1978 y estió seguida por una serie secuela de curta duración (Galactica 1980), una linia d'adaptacions de libros, novelas orichinals, cómics, un chuego de mesa y videochuegos. Una versión reimachinada de Battlestar Galactica s'emitió como una miniserie de dos partis y tres horas desembolicada por Ronald D. Moore y David Eick en 2003. Ixa miniserie dio puesto a una serie de televisión semanal, que s'emitió dica 2009. Una serie de precuela, Caprica , estió emitida en 2010.

Totas as produccions de Battlestar Galactica comparten a premisa que en una parti leixana d'o universo, una civilización humana s'ha extendiu a un grupo de planetas conoixidas como que as Doce Colonias, a os cuals han migrau dende o suyo mundo natal ancestral de Kobol. As Doce Colonias s'han embolicau en una guerra alongada con una raza cibernetica conoixida como os Cylons, que o suyo obchectivo ye acotolar d'a raza humana. Os Cylons ofreixen paz a os humans, o que resulta estar una estuzia. Con la aduya involuntaria d'un humán clamau Baltar, os Cylons levan a cabo un ataque masivo contra as Doce Colonias y la Flota Colonial de naus espacials que las protechen. Istos ataques acotolan a Flota Colonial, arranan as Colonias y practicament destruyen as suyas poblacions. Os supervivients dispersos fuyen a o espacio exterior a bordo d'una gran variedat de naus espacials disponibles. De toda la flota de batalla colonial, solament o Battlestar Galactica, un chigant cuirazau y portador de naus espacials clamadas Viper, pareixe haber sobreviviu a l'ataque de Cylon. Baixo l'enfilamiento d'o Comandant Adama, a nau Galactica y os suyos pilotos de Viper endrezan una flota fuchitiva de supervivients en busca d'a lechendaria decenotercera colonia conoixida como Tierra.

Series de televisión

• Battlestar Galactica (1978–1979).
• Galactica 1980 (1980).
• Battlestar Galactica miniseries (2003).
• Battlestar Galactica (2004–2009).
• Caprica (2010).
• Blood & Chrome (2012).

Cintas

• Battlestar Galactica: Razor (2007).
• Battlestar Galactica: The Plan (2009).

Referencias

• Datos: Q836013
• Multimedia: Battlestar Galactica / Q836013