Base (quimica)

Una base se puet definir como qualsiquier substancia que en disolución aquosa aporta ions hidroxil (OH^-), u absorbe ions hidrocheno d'o medio. Un eixemplo prou platero ye o hidroxido de potasio (KOH):

O hidroxido de sodio u sosa caustica ye una base.

KOH → OH^- + K⁺ (en disolución aquosa)

Os conceptos de base y acido son contraposatos. As bases, a ormino son solubles en augua, y gosan tener una sabor amarga.

Ta mesurar a basicidat d'un medio aquoso s'emplega o concepto de pOH, que se complementa con o de pH, de forma que pH + pOH = 14. A causa d'isto, ye cheneralizato l'uso de pH tanto t'acidos como ta bases. Disolvendo una base en augua, siempre n'obtendremos una disolución de pH superior a 7.