Basarán (desambigación)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Basarán puede fer referencia a:
- Basarán. Un lugar de Sobrepuerto d'a on dimanan a resta.
Municipios
editar- Basarán (municipio). O municipio desapareixiu que teneba la suya capital en Basarán, y se fusionó con Bergua en os anyos 1930, dando Bergua-Basarán.
- Bergua-Basarán. O municipio desapareixiu en o que se trobaba Basarán entre a decada de 1930 y a fusión municipal de 1968, en a cual quedó subsumido en o de Broto.
Microtoponimia
editar- Barranco de la Fuent de Basarán. O barranco que naix en os arredols d'iste lugar y que ye afluent d'o río Forcos.
- Cuello Basarán. Un puerto de montanya de tipo cuello que comunica a valle d'Otal con a vecina valle de Sant Cocobat u d'o barranco de la Pera, aman d'ixe lugar.
- A campa de la Cruz de Basarán. Un campo a on confluyen a pista de Yebra de Basa y a que ranca d'Oliván y que ye o puesto mas aman d'o centro cheografico de Sobrepueto t'a on que se i puede arribar con auto, a bels 300 metros d'o lugar debantdito.
- O paco de Basarán. A versant norte d'a valle d'o Forcos que correspondeba a l'antigo termino municipal.
En Buixaruelo
editar- A Faixa de Basarán. Un parache natural en a circo glaciar d'a valle d'Otal, en a Reserva d'a Biosfera de Buixaruelo, a on que os habitants de Basarán teneban dreito de pastura pa os ganaus.
Etimolochía
editarO nombre de Basarán tiene una etimolochía incierta y debatida. Bi ha autors que han afirmau que ye un toponimo composau, d'oríchens bascas u proto-bascas, y que se formaría de dos lemas: o primero estaría basa (cillo) u baso (selva) y o segundo aran (val), posiblement combinaus en o sentiu de «cillo d'a val» u «selva d'a val» respectivament.[1]
Manimenos, o filologo Chesús Vázquez Obrador, basando-se en l'alta frecuencia con a que o toponimo amaneix con -e- en a primer silaba en os textos medievals (Beseran y Beserano son as formas principals)[1], defensa que a hipotesi d'a oríchen basca basada en lemas con -a- (bas-) ye poco firme, y proposa por contra una oríchen latina d'o toponimo basada en l'antroponimo latino VESERENUS[1] u mesmo en l'adchectivo *VESERENIUS, adchectivización d'o chenitivo d'unatro antroponimo latino prou mas conoixito: VESERIUS[1] (radiz de Visorio, como Sant Visorio). Isto significaría que Basarán podría querer dicir «Lo de Veserio».
Referencias
editar- ↑ 1,0 1,1 1,2 1,3 (es) VÁZQUEZ OBRADOR, Jesús. Nombres de lugar de Sobrepuerto, análisis lingüístico. Ed. comarca de l'Alto Galligo. Uesca, 2004. ISBN 84-8127-131-4. Versión dichitalizada consultable en linia
 |
Ista ye una pachina de desambigación en toponimia
Ixo ye, una pachina que enumera articlos diferents con o mesmo títol y aduya a endrezar-se enta lo más adequato. Si i yes plegato traviés de bell vinclo interno erronio, por favor torna ta correchir-lo y fer que o vinclo s'endrece ta la pachina que calga. |
Datos: Q23666897
