Banasto

Un banasto u banasta ye una canasta de vimbre u verdugos de sarguera que se fa servir ta transportar a hierba con a cual s'alimenta a bel herbivoro domestico, especialment a os abríos.

Dos formas posibles de banastos. Sin a boca de tornallo (alto) y con a boca de tornallo (abaixo).

A diferencia de belatros tipos de canastas, os banastos gosan estar grans, con altarias superiors a 70 cm, y a sobén presentan a boca de tornallo, ta fuera, o que fa mas facil que os equidos i puedan meter a cabeza ta pasturar o conteniu. Pueden fer-se servir ta transportar a hierba, por eixemplo en os días d'hibierno cuan a nieu fa que no se pueda soltar a os animals ta que pasturen solos y les ne tiene zarraus en a cuadra, pero tamién permite fer-se servir como minchadero, simplament dipositando-lo a on que os animals puedan acceder-ie cuan les vaiga bien.

Se veiga tamién

• Roscadero.
• Hierbero.
• Pallero.

Posible toponimia relacionada

• Banastars.
• Banastón.

• Datos: Q13048477