Azute Manuel Lorenzo Pardo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'azute Manuel Lorenzo Pardo (en honor de Manuel Lorenzo Pardo, incheniero de camins, canals y puertos fundador d'a Confederación Hidrografica de l'Ebro) u tamién dito simplament azute de l'Ebro ye un azute sobre o río Ebro a o suyo paso por Zaragoza.
Construyiu a beta d'a Exposición Internacional de Zaragoza 2008, tien como primer obchectivo guaranciar un fluxo estable d'augua en o río pa permitir a suya navegabilidat entre l'azute (en o barrio de Vadorrei) y a dentrada de l'Ebro en Zaragoza por o meandro de Raniellas. Fue enguerau o 10 de chunio de 2008 y dende alavez ha causau una gran polemica, tanto por a oposición de collas d'ecolochistas a l'azute y as obras de dragau necesarias pa o servicio de barcos instaurau, como por l'alto coste d'o prochecto, denunciau por a oposición municipal.
L'azute incluye una palanga piatonal entre Vadorrei, a l'altaria de Nobleza Baturra en a marguin ezquierda y Las Fuents, a l'altaria d'a carrera Frai Luis Urbano. Ye composau de ueito inclusas que suman 200 metros amás d'as instalacions de control y puerto fluvial.
O disenyo d'o espacio piatonal ye orichinal de l'arquitecto Isidro Navarro Delgado.
