Avenida Andrássy

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Avenida Andrássy
Ciudat	Budapest
Prencipia	Erzsébet tér
Remata	Városliget
Eponimo	Gyula Andrássy

L'avenida Andrássy (en hongaro Andrássy út) ye una avenida emblematica d'a ciudat de Budapest, Hongría, que se remonta a l'anyo 1872. Une a Erzsébet tér («Plaza Isabel») con o Városliget. Plena de casas y palacios neorrenaixentistas eclecticas que presentan politas fronteras, escaleras y interiors, fue reconoixita como Patrimonio d'a Humanidat en 2002 (chunto con a linia de metro 1, Hősök tere y Városliget). L'avenida tamién ye o puesto a on se troban a-saber-las botigas de moda, entre ellas de marcas como Louis Vuitton, Ermenegildo Zegna, Vertú, Burberry, Gucci y Roberto Cavalli.

Historia

Avenida Andrássy con a Ópera Estatal d'o Hongría (a la ezquierda), 1896.

Se decretó a suya construcción en 1870, ta descargar a paralela Király utca d'o trafico intenso y ta conectar as partis d'a ciudat interior (se veiga Belváros) con Városliget a traviés de Terézváros. A suya construcción prencipió en 1872 y l'avenida s'inauguró o 20 d'agosto (una fiesta nacional), de 1867. O suyo aspecto final estió una mezcla d'o plans proposatos por tres competidors destacatos: Lajos Lechner, Frigyes Feszl y Klein & Fraser. Os suyos palacios se construyoron por os arquitectos mas importants (dirichidos por Miklós Ybl) d'a epoca, financiatos por bancos hongaros y atros. Yeran cuasi toz rematatos en 1884 y se trasladoron a vivir astí mas que mas aristocratas, banquers, propietarios de tierra y familias historicas. Recibió o suyo nombre en 1885 por o primer ministro Gyula Andrássy, que estió un d'os que empentó a suya construcción.

A construcción d'o primer metro d'a Europa Continental se proposó en 1870, ya que a capital s'heba oposato siempre a un transporte de superficie en ista carrera. A construcción prencipió en 1894 y remató en 1896, facilitando ista nueva linia de metro o transporte a Városliget, o prencipal puesto d'as celebracions d'o milenio de Hongría.

Partis prencipals

Fotografía aeria

L'Andrássy út ye formata por cuatre partes prencipals, dende aintro enta difuera:

1. Dende Erzsébet tér dica Oktogon: una parti urbanizata prencipalment con propositos comercials.
2. Dende Oktogon dica Kodály körönd: enamplata con una avenida arbolata, incluyindo-ie arias residencials y universidaz.
3. Dende Kodály körönd dica Bajza utca: ye encara mas amplo, y os palacios residencials tienen debant chicoz parques.
4. Dende Bajza utca dica Városliget: a mesma amplaria; casas rodiatas por chardins, incluyindo bel par d'embaixatas.

Puestos destacatos

• Museu de Correus
• Opera Estatal d'Hongría
• Casa Drechsler
• O Broadway de Pest: un cruce con cuatre teatros importants en as suyas cuatre esquinas
• Plaza Franz Liszt: una plaza con l'Academia de Musica y a-saber-los cafés
• Jókai tér
• Oktogon: cruce con Grand Boulevard
• Casa d'o Terror (Terror Háza): conmemorando los dos principales regímenes opresores en Hungría, o faixismo y o comunismo, y as suyas victimas
• Casa Memorial de Franz Liszt y l'antiga Academía de Musica
• Casa Memorial de Zoltán Kodály
• Teatro de marionetas
• Antigo Palacio d'Arte
• Colechio d'Artes Politas
• Museu d'Arte de l'Este Asiatico Ferenc Hopp
• Plaza d'os Herois (Hősök tere): a dentrata de Városliget (Parque Urbán), con o Molimento a o Milenio, o Palacio d'Arte de Budapest y o Museu d'Artes Polidas de Budapest

Enlaces externos

• (en) Oficina de Turismo de Budapest en l'Avenida Andrássy
• (en) Andrássy út – un atra descripción
• (en) Foto

• Datos: Q367395
• Multimedia: Andrássy út, Budapest / Q367395