Astigmatismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En oftalmolochía y optometría, l'astigmatismo (d'o griego antigo ἀ-, "sin", y στιγμή, "punto") ye un defecto ocular que se caracteriza perque existe una refracción diferent entre dos meridianos oculars, lo que impide l'enfoque claro d'os obchectos. Cheneralment se debe a una alteración en a curvatura anterior d'a cornia. A cornia ye la rechión transparent que se troba en o polo anterior d'o uello y actúa como una lent a traviés d'a cual pasa la luz que s'enfoca sobre la retina en a parti posterior d'o uello. A superficie d'a cornia ha de estar simetrica y regular en as suyas curvaturas, de no estar asinas se produz l'astigmatismo.

Un uello sin astigmatismo (cobalto) y unatro con astigmatismo (cobaixo).

En o uello humán, l'astigmatismo ye frecuent en mayor u menor grau y gosa asociar-se a atros defectos de refracción, como miopía u hipermetropía. Puede correchir-se per meyo de l'emplego de lents cilindricas.