Antofilo

Este articlo tracta sobre as fuellas modificadas que fan parte d'a flor. Pa la subfamilia d'insectos himenopteros se veiga Anthophila.

En Botanica, un antofilo ye una fuella modificada que fa parte d'a flor. As piezas florals son fuellas que s'ha modificau evolutivament pa que desenvoliquen funcions relacionadas con a reproducción, en comparanza con os nomofilos u «fuellas normals» que por principal fan a fotosintesi.

Antofilos florals d'un perianto en maduración.

En a flor i hai antofilos fértils y estérils. Os fértils son es que forman os verticilos fértils d'a flor: carpelos (chineceu) y estambres (androceu). Os estérils son os que fan parte d'o perianto: sepalos (cáliz) y petalos (corola).

Etimolochía

A parola antofilo ye formada de dos etimos: ἄνθος, ánthos, "flor", y φύλλον, phýllon, "fuella". Significa «fuella d'a flor».

Se veiga tamién

• Perianto.
• Cáliz (botanica).
• Corola.