Alba gu bràth

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Alba gu bràth (prenunciato /ˈal̪ˠapə kə ˈpɾaːx/) ye una frase en gaelico escocés que s'emplega ta exprisar a leyaltat a Escocia. Una traducción aproximata ta l'aragonés sería "Escocia ta cutio", estando a traducción literal "Escocia dica o chuicio" (entendendo-se o "Chuicio final"). A frase se fa servir a sobén como eslogan politico en favor d'a independencia d'Escocia.

Bandera d'Escocia con as colors tradicionals y o lema "Alba gu bràth"

Atras variants

Existen atras variacions graficas erronias d'a frase, en parti debito a o pareixito con o eslogan irlandés Erin Go Bragh ("Irlanda ta cutio"), por eixemplo Alba go bragh, Alba gu bra, Alba go breá.

Cultura popular

• En a cinta de 1995 Braveheart, bi ha una scena en que o heroe nacional y patriota escocés William Wallace (interpretato por Mel Gibson), como líder de l'exercito escocés en a batalla d'o puent de Stirling chila "Alba gu Bràth".