185 cadieras vuedas
185 cadieras vuedas (en anglés 185 empty chairs), tamién conoixiu como 185 cadieras blancas (en anglés 185 white chairs) u 185 cadieras blancas vuedas (en anglés 185 empty white chairs) u simplament como 185 cadieras (en anglés 185 chairs), ye un molimento no oficial en remeranza d'as 185 personas que morioron en o tierratremo de Christchurch de 2011. Ideyau como una composición temporal feita con cadieras pintadas de blanco, s'ha convertíu en una d'as prencipals atraccions turisticas de Christchurch, Nueva Zelanda. S'instaló o día d'o primer cabo d'anyo d'o tierratremo, precedindo cinco anyos a o memorial ofical, o Memorial Nacional d'o Tierratremo de Canterbury. A calendata de 2017 se tien a ideya de convertir a instalación temporal en un molimento permanent.
Historia
editarChristchurch sufrió un tierratremo o 22 de febrero de 2011 que remató con a vida de 185 personas.[1] O día d'o primer cabo d'anyo d'o tierratremo, l'artista local Peter Majendie reunió 185 cadieras vuedas, que heba pintau de blanco, en o mesmo puesto a on s'heba espaldau a Ilesia Baptista d'Oxford Terrace.[2] O día dimpués d'a instalación, o periodico local The Press informó de que a ideya de l'artista yera de deixar o memorial instalau mientres nomás una semana.[3] O propio artista dició dimpués que en primeras heba pensau que as cadieras bi estasen tres semanas.[4]
A prencipal inspiración de Majendie ta a suya obra venió d'as pinturas de Vincent van Gogh sobre cadieras vuedas, representando as diferents personalidaz d'os suyos propietarios.[2][5] Cuan creyó a suya obra d'arte, Majendie conoixeba a existencia d'o Campo de Cadieras Vuedas que fa parti d'o Memorial Nacional d'Oklahoma y as cadieras vuedas d'o parque Bryant de Nueva York.[2][5]
En octubre de 2012, a instalación habió de tresladar-se bels cientos de metros enta o sud, a o puesto a on s'heba espaldau a Ilesia de Sant Pablo, ya que prencipió a reconstrucción d'a Ilesia Baptista.[6] Iste segundo puesto ye en a diagonal oposada a on se trobaba o edificio d'a CTV, puesto a on morioron 115 personas.[2]
Cuan s'anunció o disenyo ganador ta o Memorial Nacional d'o Tierratremo de Canterbury en mayo de 2015, Majendie prencipió a considerar o futuro d'a suya instalación temporal. L'artista potenció a ideya de convertir as cadieras en un molimento permanent.[7] En chinero de 2017, Majendie reafirmó a suya ideya y proposó tornar a instalación temporal en una fixa, recubrindo as cadieras d'aluminio y pintando-lo de blanco. Estió menester de trobar un nuevo puesto, ya que o puesto a on yera a ilesia de Sant Pablo fue trigau por o gubierno ta a construcción d'o futuro Estadio de Christchurch. Majendie demandó l'antigo puesto d'a CTV ta a instalación.[8] Manimenos a instalación en l'antiga localización de l'edificio d'a CTV fue refusada por beluns d'os familiars d'as victimas.[9]
O molimento oficial por as victimas d'o tierratremo fue enguerau o 22 de febrero de 2017, seis anyos dimpués d'o tierratremo que causó 185 muertes y cinco dimpués de que Majendie instalase o suyo memorial.[10]
Recepción
editarA pachina web de viaches TripAdvisor lista 185 cadieras vuedas como a prencipal atracción turistica d'a ciudat (por debant d'a telecabina de Christchurch y a Seu de Cartón), y la mete en o cuarto puesto de toda Nueva Zelanda.[2]
Referencias
editar- ↑ (en) "M 6.3, Christchurch, 22 February 2011". GeoNet. Earthquake Commission y GNS Science. http://info.geonet.org.nz/display/quake/M+6.3%2C+Christchurch%2C+22+February+2011. Retrieved 4 de chulio de 2017.
- ↑ 2,0 2,1 2,2 2,3 2,4 (en) . http://www.stuff.co.nz/the-press/christchurch-life/art-and-stage/94189382/Christchurchs-185-white-chairs-Remembering-loss-and-thinking-ahead.
- ↑ (en) . http://www.stuff.co.nz/the-press/news/christchurch-earthquake-2011/6464369/Installation-represents-victims-personalities.
- ↑ (en) . http://chchdilemmas.co.nz/2017/185-white-chairs-stay-or-go/.
- ↑ 5,0 5,1 "Christchurch, 185 Empty White Chairs". Side Door Arts Trust. http://www.185chairs.co.nz/about-185-empty-chairs/. Retrieved 4 de chulio de 2017.
- ↑ (en) . http://www.stuff.co.nz/the-press/christchurch-life/7877321/185-Empty-Chairs-moved.
- ↑ (en) . http://www.stuff.co.nz/the-press/business/the-rebuild/68507149/marble-earthquake-memorial-an-ironic-choice-says-surivor.
- ↑ (en) . http://www.stuff.co.nz/the-press/business/the-rebuild/88687177/Artist-calls-for-185-white-chairs-to-become-permanent-memorial-to-Canterbury-earthquake.
- ↑ (en) . http://www.stuff.co.nz/the-press/news/christchurch-earthquake-2011/88887868/some-christchurch-quake-victims-families-say-chair-memorial-should-be-scrapped.
- ↑ (en) . http://www.radionz.co.nz/news/national/325048/memorial-for-canterbury-quake-victims-unveiled.
Datos: Q31825029
Multimedia: 185 Empty Chairs / Q31825029
