Wikipedia:Logotipos

Esta pachina ye una guía d'aduya per usar los logotipos y atros sinyals distintivos conforme a la politica Wikipedia:Contenius no libres.

Como sinyal distintivo s'entiende tot disenyo grafico que tien un proposito d'identificación visual u de representación, como por eixemplo:

• Logotipo, como identificación d'una marca, títol, producto, servicio, escaicimiento... (Logotipo d'a Biquipedia)
• Escudo, como representación simbolica de
  • personas, familias, linaches, (Escudo d'os duques de Borbón)
  • poblacions, países, nos publicos, (Escudo de Valencia)
  • corporacions, entidaz, sociedaz. (Escudo d'o Barça)
• Divisa heraldica:
  • Sinyal u sello, como representación derivada d'un escudo. (Sinyal d'a Cheneralidat de Catalunya)
  • Emblema, como representación d'una ideya, d'una cosa abstracta. (Estrela de Davit)
  • Emblema militar, como distintivo de cuerpos y armas militars. (Policía valenciana)
  • Insignia, como divisa que indica la dignidat, lo grau u lo rango d'una persona. (Claus de Sant Pero)
• Bandera y ensenya, sía oficial u corporativa, derivada u no d'un escudo.

Se distingue lo tractamiento de diferents tipos de sinyals distintivos:

• Los sinyals d'identificación privaus (logotipos comercials, escudos de linaches u sociedaz, emblemas corporativos) pueden tener u no dreitos d'autor, pero lo suyo proposito basico ye d'identificación y promoción emparo a lo dreito de marca, sía una marca comercial u una marca rechistrada.
• Los simbolos de representación oficials (escudos, banderas, emblemas militars) normalment son d'o dominio publico, pero lo suyo uso puede estar regulau en cada lechislación local con unas limitacions asimilables a lo dreito de marca. Los simbolos nacionals pueden estar especialment regulaus en cuanto a la forma d'usar-los respectando la suya integridat y la suya simbolochía.
• Los emblemas d'uso publico y las banderas de disenyo simple son de dominio publico.

Uso de logotipos y atros sinyals privaus

• Se presuposa que los logotipos y los sinyals distintivos de marca tienen dreitos de marca. Encara que no tienga una marca rechistrada, podría tener la consideración de marca distintiva u afamada con os mesmos dreitos. Amás, podrían tener dreitos d'autor.
• Evitar usar un logotipo de forma que se creye la impresión que lo proposito sía promocional. S'habría d'evitar un logotipo que incluiga un slogan, en favor d'unatro equivalent. Cuan lo proposito ye simplament d'identificación s'habrían d'utilizar nomás los logotipos que sían razonablement familiars.
• Los logotipos no s'habrían d'utilizar en contextos consideraus como negativos. L'uso normal d'un logotipo ye en l'articlo sobre la companyía u producto que represienta, u en un articlo que parla d'o estilo visual d'o creyador d'o logotipo u la suya historia. Dentro de l'articlo, lo logotipo s'habría d'utilizar cheneralment amán d'o paragrafo introductorio, chunto a lo texto que ye simplament descriptivo y que presienta un punto de vista clarament neutral, y no en metat de paragrafos negativos u criticos.
• Los logotipos deformaus u las suyas parodias s'habrían d'utilizar con cudiau y no dando excesiva prominencia. Per eixemplo, se pueden utilizar con prudencia en articlos sobre una campanya u sobre un sitio web dedicau a la parodia.
• S'habría de cosirar que lo logotipo tienga un aspecto digno y cudiadoso. Per sentiu común, lo logotipo habría de tener lo mesmo aspecto que tiene en o suyo web, ya que se suposa que muestra lo deseyo d'o suyo propietario sobre cómo veyer-lo en pantalla a las resolucions tipicas. Evitar redimensionar-lo y millor buscar-ne un d'a mida adecuada.
• S'han d'evitau las versions de logotipos en resolución masiau alta pa que lo suyo uso sía lechitimo. Las versions en formato SVG no habrían de tener mas detalles que los necesarios.

Siempre que sía posible, los logotipos s'habrían de cargar en formato PNG. Lo formato JPEG no habría d'estar utilizau en este caso ya que provoca disipacions y ocasiona un aspecto menos profesional. Lo formato GIF nomás ye adecuau pa imáchens animadas, y normalment no ye lo caso.

• Normalment s'ha de presentar lo logotipo actual. Cuan s'utilice un logotipo historico s'habría d'explicar a piet d'imachen.
• S'ha de tener una cura especial cuan s'utilice un logotipo d'una enciclopedia u unatra obra de referencia. En garra caso, y especialment en este, no se puet dar la impresión de que exista garra mena de refirme u d'asociación con a Biquipedia, ni se puet creyar garra confusión con l'emparo de l'articlo. L'uso ha d'estar de forma que no dé sitio a garra posibilidat de queixa razonable per part d'o casero d'o logotipo.
• En caso d'un uso discutible, la chustificación ye a cargo de l'usuario que deseya incluyir lo logotipo, sin deixar de banda lo consenos habitual. Si lo que lo mete en discusión ye lo casero d'o logotipo, se considerará como un veto a pesar d'o posible consenso existent.

Uso de escudos y atros sinyals oficials

Los emblemas internacionals y las banderas simplas son de dominio publico. Las banderas y los escudos tradicionals tienen, normalment, una definición oficial heraldica. Un disenyo concreto puet tener dreitos d'autor, pero tamién se'n puet fer una interpretación grafica en un fichero libre.

Las banderas, escudos, sellos y atros sinyals de representación oficial, independientment de si tienen dreitos d'autor u no, pueden tener restriccions d'uso en as respectivas lechislacions locals. Tipicament estas restriccions son:

• Nomás puet representar l'ente oficial u las entidaz autorizadas.
• No se puet usar en sinyals d'identificación privaus
• No se'n permite obras derivadas ni usos irrespectuosos.

Aviso legal

Cualsequiera de las marcas comercials, marcas rechistradas, dreitos de disenyo u atros dreitos similars que s'utilizan u se citan a los articlos d'a Biquipedia son propiedat d'os suyos titulars respectivos. Lo suyo uso aquí no acarreya que se puedan utilizar pa dengún atro proposito que l'uso informativo u similar tal como l'han contemplau los autors orichinals d'estes articlos. Sacau que se manifieste lo contrario, la Biquipedia no refirma ni ye afiliada con dengún d'os titulars de tals dreitos y, per tanto, la Biquipedia no puet conceder garra permiso per utilizar material protechiu. L'uso de tal propiedat industrial u similar ye baixo la vuestra propia responsabilidat.