Sección sendical

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En o mundo d'o Dreito laboral en Espanya, recibe o nombre de sección sendical o conchunto de treballadors que son afiliaus a un sendicato en una interpresa.

Dreitos d'as seccions sendicals

As seccions sendicals de toz os sendicatos que son presents en a interpresa tienen dreito a:

• Destribuir información y recibir-la en l'interior d'o centro de treballo.
• Recaudar a conduta a os treballadors d'o sendicato en o centro de treballo.
• Fer reunions difuera de l'horario de treballo sin fer estorbo a las actividaz d'a interpresa.

Dreitos d'as seccions sendicals d's sendicatos mas representativos con representación en o Comité d'Interpresa

As seccions sendicals d's sendicatos mas representativos con representación en o Comité d'Interpresa tienen istos dreitos especificos:

• Dreito a tener un tablón d'anuncios propio y pagau por l'interpresario ta posar-ne-ie as suyas informacions y que seiga accesible a toz os treballadors.
• Dreito a partecipar en a negociación colectiva seguntes l'articlo 87.1 d'o Estatuto d'os Treballadors.

Amás, si a interpresa tiene mas de 250 treballadors, istas seccions sindicals tienen dreito a:

• Emplegar un local propio, pagau y manteniu por l'interpresario ta poder fer-ne-ie as suyas actividaz.
• Estar representadas por un delegau sendical, si o sendicato amás tiene presencia en o comité d'interpresa, que podrá participar con voz pero sin voto en as reunions d'o comité d'interpresa, contando con a mesma información que os suyos miembros.

Istos delegaus sendicals tendrán as mesmas garantías que os miembros d'o comité d'interpresa, mas que mas un credito horario ta poder fer a suya labor. O numero de delegaus sendicals dependerá d'a plantilla d'a interpresa, en tot caso siempre que consigan un 10% d'os votos dispondrán de un delegau. Dispondrán de 2 delegaus sendicals si a plantilla de treballadors d'a interpresa abracase dende 751 dica 2.000, 3 delegaus dende 2.001 dica 5.000, y 4 delegaus si a plantilla puyase de 5.000.