Poiquilotermia

A poiquilotermia (d'o griego ποικίλος, poiquilos, variable, y θερμός, thermos, calor) ye a caracteristica d'os animals que no tienen guaire manera de controlar a suya temperatura corporal. Os poiquilotermos son un tipo d'animals ectotermos.

Tortuga calentando-se con o sol.

Muitos poiquilotermos no s'aconortan con a temperatura d'o medio y emprenden estratechias pa regular a temperatura d'o suyo propio cuerpo, como a heliotermia, que consiste en mover-se enta os rayos de sol pa calentar-se u amagar-se-ne u refrescar-se antes de calentar-se masiau y rescaldar-se.

Se veiga tamién

• Ectotermia.
• Endotermia.
• Homeotermia.